రైతుల ఆదాయం రెట్టింపు చేయడమే లక్ష్యంగా ఫిబ్రవరి 1న ప్రవేశపెట్టనున్న కేంద్ర బడ్జెట్లో వ్యవసాయ రుణాల లక్ష్యం రూ.19 లక్షల కోట్లకు పెంచే అవకాశముందని విశ్వసనీయ వర్గాలు తెలిపాయి. దీనికి సంబంధించి ఆర్థిక మంత్రి నిర్మలా సీతారామన్ బడ్జెట్ ప్రసంగంలో ప్రకటన వెలువడొచ్చని వెల్లడించాయి.
ప్రస్తుత ఆర్థిక సంవత్సరానికి వ్యవసాయ రుణాల లక్ష్యం రూ.15 లక్షల కోట్లుగా ఉంది. ప్రభుత్వం ప్రతి ఏటా ఈ క్రెడిట్ టార్గెట్ను పెంచుకుంటూ వస్తోంది. ఈ నేపథ్యంలోనే 2021-22కు గాను ఈ లక్ష్యం రూ.19 లక్షల కోట్లకు పెంచే అవకాశముందని అభిజ్ఞవర్గాలు పేర్కొన్నాయి.