జనవరి వాణిజ్య లోటు 14.75 బిలియన్​ డాలర్లు

2020 జనవరితో పోలిస్తే.. గత నెల భారత ఎగుమతులు 5.37 శాతం వృద్ధి చెందాయి. ఇదే సమయంలో దిగుతులు కూడా 2 శాతం పెరిగాయి. ఫార్మా, ఇంజినీరింగ్ ఉత్పత్తుల ఎగుమతుల్లో వృద్ధి ఇందుకు ప్రధాన కారణంగా తెలిసింది.

ఈ ఏడాది జనవరిలో దేశ ఎగుమతులు భారీగా పెరిగాయి. వాణిజ్య మంత్రిత్వ శాఖ గణాంకాల ప్రకారం.. 2020 మొదటి నెలతో పోలిస్తే గత నెల ఎగుమతులు 5.37శాతం వృద్ధితో 27.24 బిలియన్​ డాలర్లుగా నమోదయ్యాయి.

ఫార్మా ఎగుమతులు 16.4 శాతం (293 మిలియన్ డాలర్లుకు), ఇంజనీరింగ్​ ఉత్పత్తుల ఎగుమతుల్లో 19 శాతం వృద్ధి (1.16 బిలియన్ డాలర్లకు) నమోదవటం వల్ల మొత్తం ఎగుమతులు పెరిగినట్లు వాణిజ్య శాఖ తెలిపింది.

గత ఏడాది జనవరితో పోలిస్తే.. 2021 మొదటి నెలలో దేశ దిగుమతులు కూడా 2 శాతం పెరిగి 42 బిలియన్ డాలర్లకు చేరాయి. ఫలితంగా గతనెల వాణిజ్య లోటు 14.75 బిలియన్​ డాలర్లుగా నమోదైంది.

ఇదీ చూడండి:'బడ్జెట్​పై 45శాతం మంది అసంతృప్తి'