మేలోనూ భారీగా పడిపోయిన ఎగుమతులు

భారత దేశ ఎగుమతులు, దిగుమతులు రోజురోజుకూ క్షీణిస్తున్నాయి. గత నెలలో ఎగుమతులు 36.74శాతం మేర తగ్గాయి. వాణిజ్య లోటు 3.15బిలియన్​ డాలర్లకు చేరింది.

భారత్​ ఎగుమతులు వరుసగా మూడో నెల పడిపోయాయి. మే నెలలో 36.4శాతం(19.05 బిలియన్​ డాలర్లు) మేర ఎగుమతులు క్షీణించాయి. పెట్రోలియం, టెక్స్​టైల్​, ఇంజినీరింగ్​, ఆభరణాల ఎగుమతులు భారీగా తగ్గడమే ఇందుకు ముఖ్య కారణంగా తెలుస్తోంది.

మే నెలలో దిగుమతులు కూడా తగ్గాయి. 51శాతం తగ్గి 22.2 బిలియన్​ డాలర్లకు పరిమితమయ్యాయి. దీనితో వాణిజ్య లోటు 3.15బిలియన్​ డాలర్లకు చేరింది. గత ఏడాది మే నెలలో ఇది 15.36బిలియన్​ డాలర్లుగా ఉన్నట్టు కేంద్ర వాణిజ్య-పారిశ్రామిక మంత్రిత్వశాఖ గణాంకాలు చెబుతున్నాయి.

మే నెలలో చమురు దిగుమతుల విలువ 3.49 బిలియన్​ డాలర్ల వద్ద నిలిచింది. గతేడాదితో పోల్చితే(12.44 బిలియన్​ డాలర్లు) ఇది 71.98శాతం తక్కువ.

బంగారం దిగుమతి కూడా భారీగా తగ్గింది. గత నెలలో 98.4శాతం క్షీణించి 7.31మిలియన్​ డాలర్ల వద్ద నిలిచింది.

ఇదీ చూడండి:-తొమ్మిదో రోజూ పెట్రో ధరల పెంపు