సంపన్నులపై అదనపు పన్ను ఎత్తివేత​

విదేశీ సంస్థాగత మదుపరులపై సర్​ఛార్జి ఎత్తివేస్తూ కీలక నిర్ణయం తీసుకుంది కేంద్రం. ఆర్థిక మందగమనాన్ని ఎదుర్కొనేందుకు విస్తృత ప్రణాళికలను సిద్ధం చేశారు కేంద్ర విత్తమంత్రి నిర్మలా సీతారామన్​.

ఆర్థిక మందగమనాన్ని ఎదుర్కొనేందుకు సంపన్నులకు అధిక పన్ను ఉపశమనం కల్పించింది ప్రభుత్వం. ఈ మేరకు కీలక 6 అంశాల్లో ప్రణాళికలను సవివరంగా ప్రకటించారు కేంద్ర ఆర్థిక మంత్రి నిర్మలా సీతారామన్​.

"స్వల్ప, దీర్ఘకాలిక మూలధన లాభాలపై సర్​ఛార్జి నుంచి ఉపశమనం కల్పిస్తున్నాం. ఈ బడ్జెట్​లోని 111-ఏ, 112-ఏలను ఎత్తివేస్తున్నాం. అంటే విదేశీ సంస్థాగత మదుపర్లపై సర్​ఛార్జి ఉండదు. ఫలితంగా బడ్జెట్​ ముందు ఉన్న నిబంధనలు అమలులోకి వస్తాయి.

డీపీఐఐటీలో రిజిస్టర్​ అయిన అంకుర సంస్థలకు పన్ను నుంచి మినహాయింపు ఉంటుంది.

పన్ను చెల్లింపుదారులకు వేధింపులు లేకుండా చర్యలు తీసుకుంటాం. ఇకపై పన్ను నోటీసులన్నీ కేంద్రీకృత వ్యవస్థ ద్వారానే జారీ చేస్తాం. పాత పన్ను నోటీసులు అన్నింటిపై అక్టోబర్ 1 నాటికి నిర్ణయం తీసుకుంటాం. "

-నిర్మలా సీతారామన్​, కేంద్ర ఆర్థిక మంత్రి

ఇదీ చూడండి: 'ఆర్థిక మందగమనం ఎదుర్కొనేందుకు 6 సూత్రాలు'