జోర్దార్​గా అక్షయ తృతీయ పసిడి కొనుగోళ్లు

అక్షయ తృతీయ సందర్భంగా బంగారు అమ్మకాలు జోరందుకున్నాయి. నగల కొనుగోళ్లకు మహిళలు తరలివస్తుండటం వల్ల ఆభరణాల దుకాణాలు కిటకిటలాడుతున్నాయి.

దేశవ్యాప్తంగా అక్షయ తృతీయ సందడి నెలకొంది. పసిడి కొనుగోళ్లకు మంచి రోజన్న నమ్మకంతో మహిళలు పెద్దసంఖ్యలో దుకాణాలకు తరలివస్తున్నారు.

ఈ సెంటిమెంట్​ను సొమ్ము చేసుకునేందుకు పుత్తడి వ్యాపారులు ఆకర్షణీయ ఆఫర్లతో ముందుకొస్తున్నారు.

అక్షయ తృతీయ పర్వదినాన పుణ్యకార్యాలతో పాటు పసిడి కొనుగోళ్లు జరిపితే లక్ష్మీ కటాక్షం మెండుగా ఉంటుందని నమ్మకం. అందుకే ఈ రోజు అత్యధికంగా పసిడి కొనుగోళ్లకు మొగ్గుచూపుతారు.

దేశవ్యాప్తంగా ప్రస్తుతం 10 గ్రాముల బంగారం ధర సుమారు రూ. 32,600లుగా ఉంది.