ప్రధాని ఎవరో చెప్పండి- క్యాష్​బ్యాక్​ పొందండి!

వినియోగదారులను ఆకర్షించేందుకు ఓ కొత్త ఆఫర్ తీసుకువచ్చింది జొమాటో. 23న సార్వత్రిక ఎన్నికల ఫలితాలు వెలువడక ముందే ప్రధాని ఎవరో ఊహించి సరైన సమాధానం ఇచ్చిన వారికి 30 శాతం క్యాష్ బ్యాక్ ఇవ్వనున్నట్లు ప్రకటించింది. దీనికి జొమాటో ఎలక్షన్​ లీగ్​ అని పేరు పెట్టింది.

ఐపీఎల్​ జరిగినంత కాలం ఆఫర్లతో వినియోగదారులను ఆకర్షించిన అన్​లైన్ ఫుడ్ డెలివరీ సంస్థ జొమాటో... ఇప్పుడు మరో వినూత్న ఆఫర్​ తీసుకొచ్చింది. "జొమాటో ఎలక్షన్ లీగ్" పేరిట దీన్ని అందుబాటులోకి తెచ్చింది.

ఆఫర్ ఏంటంటే?

దేశ వ్యాప్తంగా జరిగిన సార్వత్రిక ఎన్నికల ఫలితాలు ఈ నెల 23న వెలువడనున్నాయి.

ఫలితాలు వెలువడే కన్నా ముందే జొమాటోలో ఫుడ్ ఆర్డర్ చేసి... ప్రధాని ఎవరవుతారో ఊహించి సమాధానం ఇవ్వాలి. వినియోగదారులు ఊహించిన వారే గెలిస్తే ఫలితాల తర్వాత 30 శాతం క్యాష్​ బ్యాక్​ ఖాతాలో జమకానున్నట్లు జొమాటో తెలిపింది.

ఒక యూజర్ ఎన్ని సార్లయినా ఆఫర్​ పొందొచ్చని ... ఎన్ని సార్లు సరైన సమాధానమిస్తే అన్ని క్యాష్​ బ్యాక్​లు ఇవ్వనున్నట్లు జొమాటో తెలిపింది.

రేపటి వరకు అవకాశం

ఇప్పటి వరకు దేశంలోని 250 పట్టణాల్లో 3,20,000 మంది "జొమాటో ఎలక్షన్​ లీగ్​"లో పాల్గొన్నారని... రేపటి (మే 22వ తేదీ) వరకు ఈ ఆఫర్ అందుబాటులో ఉండనున్నట్లు పేర్కొంది.

ఇలా ఆఫర్లు ఇవ్వడం జొమాటోకి కొత్తేమి కాదు.. ఐపీఎల్ సీజన్​లో "జొమాటో ప్రీమియర్ లీగ్" పేరిట క్యాష్​ బ్యాక్​ ఆఫర్​ ఇచ్చింది.