Yezdi Bikes: ఒకప్పుడు కుర్రకారును విపరీతంగా ఆకర్షించిన యెజ్డీ బైక్స్ మళ్లీ వచ్చేశాయి. ప్రముఖ ఆటోమొబైల్ కంపెనీ క్లాసిక్ లెజెండ్స్.. మొత్తం 3 కొత్త మోడళ్లలో యెజ్డీ బ్రాండ్ బైక్స్ను విడుదల చేసింది. దిల్లీ ఎక్స్ షోరూంలో వీటి ధర రూ. 1.98- 2.09 లక్షల మధ్య ఉంది.
యెజ్డీ రోడ్స్టర్, యెజ్డీ స్క్రాంబ్లర్, యెజ్డీ అడ్వెంచర్ పేర్లతో మార్కెట్లోకి తీసుకొచ్చింది క్లాసిక్ లెజెండ్స్.
3 కొత్త శ్రేణి యెజ్డీ ద్విచక్రవాహనాలు.. 334cc ఇంజిన్తోనే విడుదలయ్యాయి. అడ్వెంచర్ బైక్ 30.2 PS , రోడ్స్టర్ 29.7 PS, స్క్రాంబ్లర్ 29.1 PS పవర్ను ఉత్పత్తి చేయగలవు.
ఇప్పటికే జావా మోటార్‌ సైకిళ్లను రీటెయిల్ చేస్తున్న క్లాసిక్ లెజెండ్స్ డీలర్‌షిప్ నెట్‌వర్క్‌లో ఈ బైక్స్ అందుబాటులో ఉంటాయి.
యెజ్డీ బ్రాండ్ అంటే ఓ ఎమోషన్ అని అన్నారు క్లాసిక్ లెజెండ్స్ సహ వ్యవస్థాపకులు, ప్రముఖ నటుడు బొమన్ ఇరానీ.