భారీగా పడిపోయిన ఎస్​ బ్యాంకు లాభాలు

ప్రైవేటు బ్యాంకింగ్ దిగ్గజం ఎస్​ బ్యాంకు 2019-20 తొలి త్రైమాసికంలో రూ.95.56 కోట్ల లాభాన్ని గడించింది. గత ఆర్థిక సంవత్సరం ఇదే సమయంలో నమోదైన లాభాలతో పోలిస్తే ప్రస్తుతం బ్యాంకు లాభాలు 92.4 శాతం తగ్గాయి.

ప్రస్తుత ఆర్థిక సంవత్సరం తొలి త్రైమాసికంలో ఎస్​ బ్యాంకు లాభాలు ఏకంగా 92.4 శాతం తగ్గి.. రూ. 95.56 కోట్లుగా నమోదయ్యాయి. 2018-19 క్యూ1లో రూ.1,265.67 కోట్ల నికర లాభాన్ని గడించింది ఎస్​ బ్యాంకు.

మొండి బకాయిలు పెరగడమే లాభాలు భారీగా క్షీణించడానికి కారణమని బ్యాంకు తెలిపింది. గత ఏడాది జూన్​లో రూ. 2,824.46 కోట్లుగా ఉన్న మొండి బకాయిలు.. ఈ ఏడాది జూన్​ నాటికి రూ.12,091.10 కోట్లకు పెరిగినట్లు పేర్కొంది.

ఆదాయం మాత్రం ప్రస్తుత ఆర్థిక సంవత్సరం క్యూ1లో భారీగా వృద్ధి చెంది.. రూ.9,105.79 కోట్లకు చేరినట్లు వెల్లడించింది ఎస్​ బ్యాంక్. 2018-19 మొదటి త్రైమాసికంలో బ్యాంకు ఆదాయం రూ.8,301.06 కోట్లుగా నమోదైంది.

ఇదీ చూడండి: మీ పిల్లలకు ఆర్థిక భరోసా ఇవ్వండిలా..