వాట్సాప్లో మరో కొత్త ఫీచర్ వచ్చింది. ఇప్పటి వరకు వాట్సాప్ కాల్‌లో మనం ఎవరితోనైనా సంభాషిస్తున్నప్పుడు ఇతరులెవరైనా వాట్సాప్ కాల్ చేస్తే అవతలి కాల్ ఆటోమేటిక్‌గా కట్‌ అయిపోయేది. దీంతో కాల్ పూర్తయితే గానీ ఎవరు కాల్ చేశారో తెలుసుకోవడం కష్టమయ్యేది. ఇకపై ఆ ఇబ్బందులుండవు. వాట్సాప్ కొత్తగా కాల్ వెయిటింగ్ ఫీచర్ను తన ఆండ్రాయిడ్ వినియోగదారులకు తీసుకొచ్చింది. వాట్సాప్ ఐవోఎస్‌ వినియోగదారులకు ఈ ఫీచర్ గత నెలే అందుబాటులోకి వచ్చింది.
వాట్సాప్ కాల్స్లో ఈ కొత్త ఫీచర్ గమనించారా? - వాట్సాప్లో ఈ ఫీచర్ తెలుసా
వాట్సాప్ మరో కొత్త ఫీచర్ను తీసుకువచ్చింది. కాల్ వెయిటింగ్ ఫీచర్ను అందుబాటులోకి తెచ్చింది. ఆండ్రాయిడ్, ఐఓఎస్ యూజర్లందరూ ఈ ఫీచర్ను వినియోగించుకునే వీలుంది.
వాట్సాప్
కొత్త ఫీచర్ ప్రకారం.. ఎవరైనా వాట్సాప్ కాల్ చేస్తే వారికి కాల్ వెయిటింగ్ అలర్ట్‌ వస్తుంది. ఆ విషయం సంభాషిస్తున్న మనకూ తెలుస్తుంది. దీంతో అవతలి కాల్‌ను మనం అప్పుడే లిఫ్ట్‌ చేసి మాట్లాడొచ్చు. అయితే, కాల్‌ను హోల్డ్‌లో పెట్టే సదుపాయం మాత్రం ఇందులో లేదు. సాధారణ కాల్స్ విషయంలో వెయిటింగ్ కాల్ వచ్చినప్పుడు అవతలి వ్యక్తిని హోల్డ్‌లో ఉంచి మనం సంభాషించే వెసులుబాటు ఉంది. వాట్సప్‌ కాల్ వెయిటింగ్ కాల్ ఫీచర్ ప్రస్తుతం అందరికీ తీసుకొచ్చింది. వాట్సప్‌ వెర్షన్‌ 2.19.352 వాడుతున్న వినియోగదారులు, 2.19.357, 2.19.358 బీటా వెర్షన్లు వాడుతున్న ఆండ్రాయిడ్ వినియోగదారులు ఈ ఫీచర్ను పొందొచ్చు.
ఇదీ చూడండి:నగదు నిల్వల్లో అక్రమాలు.. దేశవ్యాప్తంగా ఐటీ సోదాలు