సామాజిక మాధ్యమం ఫేస్బుక్.. భారత్ ఆర్థిక వ్యవస్థలో పెట్టుబడులు పెట్టేందుకు అత్యంత ఆసక్తిగా ఉన్నట్లు తెలిపింది. సాంకేతిక సామర్థ్యం పెంపు, మౌలిక సదుపాయాల కల్పనతో చిన్న వ్యాపారాలకు ప్రోత్సాహమందించే విధంగా ఈ పెట్టుబడులు ఉండనున్నట్లు ఫేస్బుక్ ఇండియా మేనేజింగ్ డైరెక్టర్ అజిత్ మోహన్ తెలిపారు. ఉద్యోగాల కల్పన కూడా ఈ పెట్టుబడుల ముఖ్య ఉద్దేశమని చెప్పుకొచ్చారు.
డిజిటల్ సాంకేతికతను అందిపుచ్చుకోవడంలో భారత్ మిగత అన్ని దేశాలకన్నా ముందు వరుసలో ఉందని అజిత్ మోహన్ వెల్లడించారు. భవిష్యత్లో భారత రూపురేఖలను మార్చడంలో ఇది మేలు చేసే అంశమన్నారు.