ఓలా ఈ- స్కూటర్.. రంగు అదుర్స్​!

ఎలక్ట్రిక్ వాహన విపణిలోకి ప్రవేశించిన ఓలా సంస్థ.. తాము ప్రవేశపెట్టనున్న ఈ-స్కూటర్​పై ఓ అప్డేట్​ ఇచ్చింది. కొత్త రంగు ఈ-స్కూటర్​ను మార్కెట్లోకి విడుదల చేయనున్నట్లు ఆ సంస్థ సీఈఓ భవీష్ అగర్వాల్ ట్వీట్ చేశారు.

దేశీయ క్యాబ్​ సేవల సంస్థ 'ఓలా' అభివృద్ధి చేస్తున్న ఎలక్ట్రిక్ స్కూటర్(ఈ- స్కూటర్)లకు భారీగా క్రేజ్ పెరిగింది. కొత్తగా తెలుపు రంగు ఈ-స్కూటర్​ను మార్కెట్లోకి తీసుకురానున్నట్లు ఆ సంస్థ సీఈఓ భవీష్ అగర్వాల్ ట్వీట్​ చేశారు. 'దీనిపై మీ అభిప్రాయమేంటి?' అని అడుగుతూ వైట్​ ఓలా ఈ-స్కూటీ ఫొటోను షేర్ చేశారు.

అయితే.. ఇప్పటివరకు ఓలా ఈ-స్కూటర్ రేంజ్, బ్యాటరీ సైజ్, టాప్​ స్పీడ్​ మొదలైన అంశాలపై సంస్థ స్పష్టత ఇవ్వలేదు. కానీ, దేశీయ మార్కెట్లో ఈ స్కూటర్​ విడుదలపై సర్వత్రా ఆసక్తిగా ఎదురుచూస్తున్నారు. ఈ నెలలోనే ఈ స్కూటర్ మార్కెట్లోకి రానున్నట్లు సమాచారం.

ఓలా ఈ-స్కూటర్​ విషయాలు..

• జులై 15న ఓలా సంస్థ.. ఈ-స్కూటర్ బుకింగ్స్​ ప్రారంభించింది.​ రిజిస్ట్రేషన్​ ప్రారంభమైన 24 గంటల్లోనే ఈ-స్కూటర్ల​కు లక్ష బుకింగ్​లు రావడం గమనార్హం.
• అడ్వాన్స్​ బుకింగ్ కోసం వినియోగదారుల నుంచి రూ. 499 వసూలు చేసింది ఓలా.
• ఈ-స్కూటర్ల కోసం దేశవ్యాప్తంగా 400 న‌గ‌రాల్లో లక్ష ఛార్జింగ్ స్టేష‌న్లు ఏర్పాటు చేయనుంది ఓలా. ఛార్జింగ్ స్టేష‌న్లను దూర ప్రాంతాల్లో కాకుండా, షాపింగ్ మాల్స్‌, ఐటీ పార్కులు, ఆఫీస్ కాంప్లెక్స్‌లు, కెఫ్​ల వంటి ప్ర‌దేశాల్లోనే ఏర్పాటు చేయ‌నుంది.
• ఓలా స్కూటర్​లో ఇన్‌స్టాలేష‌న్ అవ‌స‌రం లేని హోమ్ ఛార్జ‌ర్ కూడా ఉంటుంది. ఈ ఛార్జర్​తో 18 నిమిషాల్లో 50 శాతానికి పైగా ఛార్జ్​​ చేయవచ్చు. తద్వారా 75 కిలోమీటర్ల వరకు ప్రయాణించవచ్చు.
• 'మేడ్​ ఇన్​ ఇండియా' నుంచి విదేశాలకు ఈ స్కూటర్లు అందించడమే లక్ష్యంగా పెట్టుకుంది ఓలా. ఇందుకు సంబంధించి ఉత్పత్తి కేంద్రాన్ని తమిళనాడులో ఏర్పాటు చేసింది.
• భారత్​లోనే కాకుండా అంతర్జాతీయ మార్కెట్లోనూ తమ ఈ-స్కూటర్లను విక్రయించేందుకు సన్నాహాలు జరుపుతోంది.

ఇదీ చదవండి: