ఫైబర్ ఇంటర్నెట్ రంగంలో ధరల యుద్ధానికి తెర లేపింది ఎయిర్టెల్. 1 జీబీపీఎస్ వేగంతో ఇంటర్నెట్ను అందించేందుకు 'ఎయిర్టెల్ ఎక్స్ట్రీమ్ ఫైబర్' ప్లాన్ను నేడు ఆవిష్కరించింది.
1 జీబీపీఎస్ ఇంటర్నెట్ వేగం సహా వివిధ రకాల ప్లాన్లతో.. జియో ఫైబర్ వాణిజ్య సేవలు ప్రారంభించిన కొన్ని రోజులకే.. ఎయిర్టెల్ ఈ ఆఫర్ విడుదల చేయడం గమనార్హం. ఎక్స్ట్రీమ్ ఫైబర్ ఫ్యాక్ నెలవారీ చందాను రూ.3,999గా నిర్ణయించింది ఎయిర్టెల్.
"నేటి నుంచి ఎయిర్టెల్ ఎక్స్ట్రీమ్ ఫైబర్ సేవలు అందుబాటులోకి వచ్చాయి. ఇళ్లు, చిన్న పరిమాణంలో ఉండే కార్యాలయాలకు ఈ సేవలు అందుబాటులో ఉంటాయి. హైదరాబాద్, దిల్లీ, ముంబయి, పుణె, బెంగళూరు, చెన్నై, కోల్కతా, ఇండోర్, జైపుర్, అహ్మదాబాద్, గురుగ్రామ్, ఫరీదాబాద్, ఛండీగఢ్, ఘజియాబాద్లో ఈ సేవలు పొందొచ్చు." -ఎయిర్టెల్
రానున్న రోజుల్లో మరిన్ని నగరాలకు ఈ సేవలను విస్తరించనున్నట్లు ఎయిర్టెల్ తెలిపింది.