వరుస నష్టాల నుంచి ఊరట..లాభాల్లోకి సూచీలు

స్టాక్ మార్కెట్లు నేడు లాభాలతో కొనసాగుతున్నాయి. ఆరంభ ట్రేడింగ్​లో సెన్సెక్స్ 189 పాయింట్లకు పైగా వృద్ధి చెందింది. నిఫ్టీ 30 పాయింట్లకు పైగా లాభంతో కొనసాగుతోంది.

భారీ నష్టాల నుంచి తేరుకుని నేడు లాభాలతో ట్రేడవుతున్నాయి స్టాక్ మార్కెట్లు. హెవీ వెయిట్​ షేర్లయిన ఇన్ఫోసిస్, టీసీఎస్​, హెచ్​సీఎల్​టెక్, రిలయన్స్, హెచ్​డీఎఫ్​సీ బ్యాంకులు సానుకూలంగా స్పందించి.. లాభాలకు దన్నుగా నిలుస్తున్నాయి.

బొంబాయి స్టాక్​ ఎక్స్ఛేంజి సూచీ-సెన్సెక్స్ 189 పాయింట్లకు పైగా వృద్ధితో.. ప్రస్తుతం 41,450 వద్ద ట్రేడవుతోంది. జాతీయ స్టాక్​ ఎక్స్చేంజి సూచీ-నిఫ్టీ 30 పాయింట్లకు పైగా లాభంతో..12,199 వద్ద కొనసాగుతోంది.

లాభనష్టాల్లోనివి..

భారతీ ఎయిర్​టెల్​, మారుతీ సుజుకీ, ఎస్​బీఐ, సన్​ఫార్మా, ఎస్​బీఐ షేర్లు లాభాల్లో ట్రేడవుతున్నాయి.
ఓఎన్​జీసీ, ఎన్​టీపీసీ, పవర్​గ్రిడ్​, ఏషియన్​ పెయింట్స్​, హెచ్​యూఎల్​ షేర్లు నష్టాల్లో ఉన్నాయి.

రూపాయి..

అంతర్జాతీయ మార్కెట్లో రూపాయి మారకపు విలువ డాలరుతో పోలిస్తేస్వల్పంగా తగ్గి.. రూ.71.18 వద్ద కొనసాగుతోంది.

ఇదీ చూడండి:ఆ మూడు అమెరికా సంస్థలకు.. భారత్ సమాధానం రిలయన్స్