లాభాల స్వీకరణతో ఫ్లాట్​గా స్టాక్​మార్కెట్లు

వాహన, ఐటీ రంగాల్లో సానుకూలతలతో స్టాక్ మార్కెట్లు మిశ్రమంగా ట్రేడవుతున్నాయి. సెన్సెక్స్ 50 పాయింట్లు పెరిగింది. నిఫ్టీ ఫ్లాట్​గా ట్రేడవుతోంది.

వరుస సెషన్లలో రికార్డు స్థాయి లాభాల తర్వాత... స్టాక్ మార్కెట్లలో కాస్త జోరు తగ్గింది. బొంబాయి స్టాక్​ ఎక్స్చేంజి సూచీ-సెన్సెక్స్​ 50 పాయింట్ల లాభంతో.. ప్రస్తుతం 39,145 వద్ద కొనసాగుతోంది. జాతీయ స్టాక్​ ఎక్స్చేంజి సూచీ-నిఫ్టీ 11 వేల 600 వద్ద ఫ్లాట్​గా ట్రేడవుతోంది.

వాహన, ఐటీ రంగాల్లో సానుకూలతలు ఉన్నా..... మదుపర్లు లాభాల స్వీకరణకు మొగ్గుచూపడమే సూచీలు కాస్త నెమ్మదించడానికి కారణం.

లాభనష్టాల్లోనివివే..

మారుతీ, రిలయన్స్, ఓఎన్​జీసీ, ఎం&ఎం, ఇన్ఫోసిస్​, టాటా మోటార్స్ షేర్లు ప్రధానంగా లాభాల్లో ఉన్నాయి.
బజాజ్ ఫైనాన్స్, ఏషియన్ పెయింట్స్, ఎల్​&టీ, పవర్​ గ్రిడ్​, షేర్లు నష్టాల్లో కొనసాగుతున్నాయి.