ఎస్​ బ్యాంక్​​ జోరు- నూతన శిఖరాలకు సెన్సెక్స్​, నిఫ్టీ

నేటి లాభాలతో.. స్టాక్​ మార్కెట్లు నూతన గరిష్ఠాలను చేరాయి. సెన్సెక్స్ 199 పాయింట్ల లాభంతో..41 వేల మార్క్​పైన స్థిరపడింది. నిఫ్టీ 63 పాయింట్లకు పైగా బలపడింది.

స్టాక్ మార్కెట్లు నేడు సరికొత్త రికార్డులను నమోదు చేశాయి. బ్యాంకింగ్, ఆటోమొబైల్, ఐటీ, ఫార్మా రంగాల్లో సానుకూలత.. రికార్డు స్థాయి లాభాలకు దన్నుగా నిలిచాయి. మిడ్​ సెషన్​లో కాస్త ఒడుదొడుకులు ఎదుర్కొన్న సూచీలు.. కొనుగోళ్ల మద్దతుతో చివరకు లాభాలతో ముగిశాయి.

బొంబాయి స్టాక్​ ఎక్స్చేంజి సూచీ-సెన్సెక్స్ 199 పాయింట్లు పుంజుకుంది. చివరకు 41,021 వద్ద జీవనకాల గరిష్ఠం వద్ద స్థిరపడింది. జాతీయ స్టాక్​ ఎక్స్చేంజి సూచీ-నిఫ్టీ 63 పాయింట్ల లాభంతో..12,101 వద్ద జీవనకాల గరిష్ఠం వద్దకు చేరింది.

ఇంట్రాడే సాగిందిలా..

సెన్సెక్స్​ 41,076 పాయింట్ల గరిష్ఠాన్ని తాకగా.. 40,849 పాయింట్ల కనిష్ఠాన్ని నమోదు చేసింది.
నిఫ్టీ నేడు 12,115 పాయింట్ల అత్యధిక స్థాయి (జీవనకాల గరిష్ఠం).. 12,055 పాయింట్ల అత్యల్ప స్థాయిల మధ్య కదలాడింది.

లాభనష్టాల్లోనివి ఇవే..

ఎస్ ​బ్యాంక్​ షేర్లు నేడు ఏకంగా 7.65 శాతం లాభపడ్డాయి. ఎస్​బీఐ 2.43 శాతం, మారుతీ 2.38 శాతం, సన్​ఫార్మా 1.87 శాతం, హెచ్​యూఎల్​ 1.78 శాతం, ఓఎన్​జీసీ 1.72 శాతం లాభాలను ఆర్జించాయి.

ఎల్&టీ 2.05 శాతం, ఐసీఐసీఐ బ్యాంకు 1.07 శాతం, ఐటీసీ 0.86 శాతం, టాటా స్టీల్​ 0.81 శాతం, ఎన్​టీపీసీ 0.77 శాతం నష్టాలను మూటగట్టుకున్నాయి.

ఇదీ చూడండి:జీఎస్టీ చెల్లించేవారికి కేంద్రం లాటరీ పథకం!