దేశంలోని అతిపెద్ద ప్రభుత్వ రంగ బ్యాంకు ఎస్బీఐ (భారతీయ స్టేట్ బ్యాంకు) ప్రస్తుత ఆర్థిక సంవత్సరం మొదటి త్రైమాసికంలో రూ.2,312 కోట్లు నికర లాభాన్ని ఆర్జించింది. అధిక ఆదాయానికి తోడు మొండి బకాయిల తగ్గింపు చర్యలే ఇందుకు కారణం.
2018-19 ఏప్రిల్-జూన్ త్రైమాసికంలో ఎస్బీఐ రూ.4,875.85 కోట్ల నష్టాన్ని నమోదు చేయడం గమనార్హం.
స్టాక్ ఎక్స్ఛేంజ్ల్లో ఎస్బీఐ పోస్టు చేసిన ఆర్థిక ఫలితాల ప్రకారం, 2019-20లో బ్యాంకు స్థిర ఆదాయం రూ.70,653.23 కోట్లకు పెరిగింది.. 2018-19 ఆర్థిక సంవత్సరంలో ఈ ఆదాయం రూ.65,492.67 కోట్లుగా ఉంది.