మార్చి త్రైమాసికంలో ఎస్​బీఐ లాభం రూ.3,581 కోట్లు

2019-20 చివరి త్రైమాసికంలో రూ.3,581 కోట్ల నికర లాభం గడించింది భారతీయ స్టేట్​ బ్యాంక్ (ఎస్​బీఐ) . అంతకు ముందు ఆర్థిక సంవత్సరం ఇదే సమయంతో పోలిస్తే నికర లాభం నాలుగింతలు పెరిగినట్లు ఎస్​బీఐ ప్రకటించింది.

గడిచిన ఆర్థిక సంవత్సరం (2019-20) చివరి త్రైమాసికంలో ప్రభుత్వ రంగ బ్యాంకింగ్ దిగ్గజం ఎస్​బీఐ నికర లాభం 4 రెట్లు పెరిగింది. జనవరి-మార్చి మధ్య మూడు నెలల కాలంలో రూ.3,580.81 కోట్లు గడించింది. అంతకు ముందు ఆర్థిక సంవత్సరం(2018-19) ఇదే సమయంలో బ్యాంక్​ నికర లాభం రూ.838.4 కోట్లుగా ఉంది.

2019-20 జవవరి-మార్చి త్రైమాసికంలో ఎస్​బీఐ ఆదాయం కూడా భారీగా రూ.76,027.51 కోట్లకు పెరిగింది. 2018-19 ఇదే సమయంలో బ్యాంక్ ఆదాయం రూ.75,650.5 కోట్లుగా ఉంది.

ఎన్​పీఏలు ఇలా..

గ్రాస్​ ఎన్​పీఏలు 2020 మార్చి 31 నాటికి గత ఏడాడి ఇదే సమయంతో పోలిస్తే 7.53 శాతం నుంచి 6.15 శాతానికి మెరుగయ్యాయని ఎస్​బీఐ ప్రకటించింది. నికర ఎన్​పీఏలు (మొండి బకాయిలు) కూడా 2019 మార్చి 31తో పోలిస్తే.. 2020 మార్చి 31 నాటికి 3.01 శాతం నుంచి 2.23 శాతానికి తగ్గినట్లు వెల్లడించింది.

ఇదీ చూడండి:ఇప్పట్లో ప్రభుత్వం నుంచి కొత్త పథకాలు ఉండవు!