ఎస్​బీఐ సేవలకు అంతరాయం.. కారణమిదే

ఎస్​బీఐలో సాంకేతిక సమస్య తలెత్తింది. దీనితో ప్రధాన బ్యాంకింగ్ సేవలకు అంతరాయం ఏర్పడినట్లు ఎస్​బీఐ అధికారికంగా ప్రకటించింది. వీలైనంత త్వరగా సేవల పునరుద్ధరణకు ప్రయత్నిస్తున్నట్లు పేర్కొంది.

ప్రభుత్వ రంగ బ్యాంకింగ్ దిగ్గజం.. భారతీయ స్టేట్ బ్యాంక్ (ఎస్​బీఐ) సేవల్లో అంతరాయం ఏర్పడింది. ఈ విషయాన్ని ఎస్​బీఐ స్వయంగా ట్విట్టర్​ ద్వారా వెల్లడించింది.

కనెక్టివిటీలో సాంకేతిక సమస్యల వల్ల.. సేవల్లో అంతరాయం ఏర్పడినట్లు తెలిపింది. ఏటీఎంలు, పాయింట్ ఆఫ్ సేల్స్​ యంత్రాలు మినహా.. మిగతా అన్ని సేవలపైన ఈ ప్రభావం పడినట్లు వివరించింది.

వీలైనంత త్వరగా సేవలను పునరుద్ధరిస్తామని.. అంతవరకు వినియోగదారులు సహకరించాలని ఎస్​బీఐ కోరింది.

ఇదీ చూడండి:40 కోట్ల సబ్​స్క్రైబర్స్​ మార్క్​ దాటిన తొలిసంస్థగా 'జియో'