రిలయన్స్ రిటైల్​లో సౌదీ సంస్థ భారీ పెట్టుబడి

రిలయన్స్ ఇండస్ట్రీస్ రిటైల్​ వ్యాపారాల్లో 2.04 శాతం వాటాను సౌదీ అరేబియాకు చెందిన పీఐఎఫ్​ కొనుగోలు చేసింది. రిటైల్ వ్యాపాలకు సెప్టెంబర్ 9 నుంచి ఇప్పటి వరకు మొత్తం రూ.47,265 కోట్ల పెట్టుబడులు వచ్చినట్లు ప్రకటించింది రిలయన్స్.

ముకేశ్ అంబానీ నేతృత్వంలోని రిలయన్స్ ఇండస్ట్రీస్​కు చెందిన రిలయన్స్ రిటైల్​కు పెట్టుబడుల వరద కొనసాగుతోంది. సౌదీ అరేబియాకు చెందిన ప్రముఖ పెట్టుబడుల సంస్థ పబ్లిక్​ ఇన్వెస్ట్​మెంట్ ఫండ్ (పీఐఎఫ్​) రూ.9,555 కోట్ల పెట్టుబడి పెట్టినట్లు రిలయన్స్ రిటైల్ గురువారం ప్రకటించింది. దీనితో రిటైల్ వ్యాపారాల్లో 2.04 శాతం వాటాను పీఐఎఫ్​కు బదిలీ చేయనున్నట్లు వివరించింది.

మొత్తం 10.52 శాతం వాటాల విక్రయం ద్వారా రెండు నెలల్లో రూ.47,265 కోట్ల పెట్టుబడులు వచ్చినట్లు రిలయన్స్ రిటైల్​ వెల్లడించింది. దీనితో రిటైల్ వ్యాపారాల ఈక్విటీ విలువ రూ.4.58 లక్షల కోట్లకు చేరినట్లు పేర్కొంది.

ఇదీ చూడండి:మారుతీ వాహనాల్లో లోపం- 40,453 యూనిట్లు రీకాల్