స్మార్ట్ఫోన్ ప్రియులు ఎప్పుడెప్పుడా అని ఎదురుచూస్తున్న శాంసంగ్ మడత ఫోన్ భారత మార్కెట్లోకి వచ్చేసింది. ఈ ఏడాది ఆరంభంలో ప్రపంచ మొబైల్ కాంగ్రెస్లో ప్రకటించినట్లుగానే.. సరికొత్త ఫీచర్లతో గెలాక్సీ ఫోల్డ్ను ఆవిష్కరించింది శాంసంగ్.
12 జీబీ ర్యామ్.. 512 జీబీ స్టోరేజి సామర్థ్యంతో అందుబాటులోకి వచ్చిన ఈ స్మార్ట్ ఫోన్ ధరను భారత్లో రూ.1,64,999గా నిర్ణయించింది శాంసంగ్.
శాంసంగ్ మడతఫోన్ల ప్రీబుకింగ్స్ అక్టోబర్ 4 నుంచి చేసుకోవచ్చు. అక్టోబర్ 20 నుంచి షిప్పింగ్లు ప్రారంభం కానున్నాయి.