సామాజిక మాధ్యమ దిగ్గజాలు ఫేస్బుక్, ట్విట్టర్కు మాస్కోకోర్టు భారీ జరిమానా విధించింది. తమ దేశ పౌరుల డేటాను స్థానికంగా భద్ర పరచాలన్న రష్యా నిబంధనలను ఉల్లంఘించిందనే ఆరోపణలతో చెరో 4 మిలియన్ల రుబెల్స్ (63,000 డాలర్లు) జరిమానా విధించినట్లు స్థానిక వార్తా సంస్థలు తెలిపాయి.
రష్యా x ఇంటర్నెట్ కంపెనీలు..
రష్యా అంతర్జాల నిఘా సంస్థ రోస్కోమ్నద్జోర్కు.. ఈ రెండు సామాజిక మాధ్యమ సంస్థలకు చాలా కాలంగా వివాదం కొనసాగుతోంది. అన్ని సామాజిక మాధ్యమాలు , అంతర్జాల సంస్థలు రష్యా పౌరుల డేటాను స్థానికంగానే భద్రపరచాలని 2014లో చట్టం తీసుకువచ్చింది అక్కడి ప్రభుత్వం.
ఈ కారణాలతోనే ఇప్పటికే టెలిగ్రామ్, లింక్డ్ఇన్ వంటి ప్రొఫెషనల్ నెట్వర్క్లపై నిషేధం విధించింది రష్యా.
