అదిరే ఆఫర్లతో రెడ్​మీ నోట్​ 9 ప్రో రిలీజ్

ప్రముఖ బడ్జెట్ స్మార్ట్​ఫోన్​ తయారీ సంస్థ రెడ్​మీ మరో కొత్త రెండు మోడళ్లను భారత మార్కెట్​లో ఇవాళ విడుదల చేసింది. ఎంఐ.కామ్, అమెజాన్​ వేదికగా ప్రత్యేక ఆఫర్లతో రెడ్​మీ నోట్​ 9ప్రో, నోట్​ 9ప్రో మ్యాక్స్​లను అందుబాటులోకి తెచ్చింది. ఈ మోడళ్ల ధరతో పాటు మరిన్ని ప్రత్యేకతలు మీకోసం..

చైనాకు చెందిన ప్రముఖ స్మార్ట్​ఫోన్​ సంస్థ రెడ్​మీ తన నోట్​ శ్రేణిలో రెండు కొత్త మొబైళ్లను భారత్​లో విడుదల చేసింది. రెడ్​మీ నోట్​ 9 ప్రో, నోట్​ 9 ప్రో మ్యాక్స్​.. ఎంఐ.కామ్​తో పాటు అమెజాన్​ నుంచి కొనుగోలు చేసుకునే అవకాశం కల్పించింది.

ప్రత్యేకతలు..

• నాలుగు వెనుక కెమెరాలు (64 ఎంపీ)
• 16 ఎంపీ సెల్ఫీ కెమెరా
• 4కె వీడియో సపోర్ట్, స్లో మోషన్ సెల్ఫీ, మ్యాక్రో, నైట్​ మోడ్స్​, సినిమేటిక్ పార్ట్రైట్​ సదుపాయం
• 720జీ క్వాల్​కామ్​ స్నాప్​డ్రాగన్​ ప్రాసెసర్​ (2.3గిగాహెట్జ్)
• 2x2 ఎంఐఎంఓ వైఫై
• అడ్రెనో 618 గేమింగ్​ గ్రాఫిక్స్​

ప్రారంభ ధర

• రెడ్​మీ నోట్​ 9 ప్రో రూ.13,999
• రెడ్​మీ నోట్​9 ప్రో మ్యాక్స్​ రూ.16,999

ఈ ఫోన్ల కొనుగోలుపై రెడ్​మీ ప్రత్యేక ఆఫర్లను ప్రకటించింది. క్రెడిట్​ కార్డు, ఈఎంఐ లావాదేవీలపై రూ.1000 డిస్కౌంట్ అందిస్తోంది.