ప్రస్తుత ఆర్థిక సంవంత్సరంలో.. ఆర్బీఐ నాలుగో ద్వైమాసిక ద్రవ్య పరపతి విధాన కమిటీ (ఎంపీసీ) సమావేశం నేడు ప్రారంభమైంది. మూడు రోజుల పాటు జరిగే ఈ సమావేశం అక్టోబర్ 4 ముగియనుంది. చివరి రోజు సమావేశం అనంతరం.. రెపో రేటుపై కీలక నిర్ణయాలు వెల్లడించనుంది ఆర్బీఐ.
రిజర్వు బ్యాంకు గవర్నర్ శక్తికాంతదాస్ నేతృత్వంలోని ఆరుగురు సభ్యుల బృందం.. ఈ ఆర్థిక సంవత్సరంలో జరిగిన గత మూడు సమావేశాల్లోనూ వడ్డీ కోత విధించింది. ఆర్థిక మాంద్యం భయాలతో ఈ నిర్ణయం తీసుకుంది ఆర్బీఐ. అవే కారణాలతో మరో సారి వడ్డీ రేట్ల కోత ఉండొచ్చని ఆర్థిక నిపుణులు అంచనా వేస్తున్నారు.
గత మూడు ద్వైమాసిక సమావేశాల్లో వడ్డీ రేట్ల కోత కారణంగా ప్రస్తుతం రెపో రేటు 5.40కు చేరింది. రివర్స్ రెపో రేటు 5.15 వద్ద ఉంది. గత మూడు సమావేశాల్లో రెండు సార్లు 25 బేసిస్ పాయింట్ల చొప్పున రెపో తగ్గించగా.. చివరి సమావేశంలో(ఆగస్టు) ఏకంగా 35 బేసిస్ పాయింట్ల వడ్డీ కోత విధించింది ఆర్బీఐ. అయితే ఈసారి 25 బేసిస్ పాయింట్ల తగ్గింపు ఉండొచ్చనే ఆంచనాలున్నాయి.