వరుసగా తొమ్మిదో నెలలోనూ దేశీయ వాహనాల అమ్మకాలు క్షీణించాయి. దేశీయంగా ప్యాసింజర్ వాహనాల విక్రయాలు 2019 జులైలో 30.98 శాతం తగ్గాయి. ఇండియన్ సొసైటీ ఆఫ్ ఆటోమొబైల్ మ్యానుఫాక్చరర్స్(సియామ్) తాజా గణాంకాల్లో ఈ విషయం వెల్లడైంది.
జులైలో ప్యాసింజర్ వాహనాల అమ్మకాలు 2,00,790 యూనిట్లుగా నమోదైనట్లు సియామ్ వెల్లడించింది. గత ఏడాది ఇదే సమయంలో వీటి అమ్మకాలు 2,90,931 యూనిట్లుగా ఉన్నాయి.
కార్ల అమ్మకాలు 2018 జులైతో పోల్చితే 2019 జులైలో అత్యధికంగా 35.95 శాతం తగ్గాయి. 2019 జులైలో 1,22,956 యూనిట్లు అమ్ముడవగా.. 2018 జులైలో 1,91,979 కార్లు విక్రయమైనట్లు సియామ్ పేర్కొంది.
మోటార్ సైకిళ్ల విక్రయాలు గత నెలలో 18.88 శాతం క్షీణించాయి. 2019 జులైలో 9,33,996 మోటార్ సైకిళ్లు అమ్ముడవగా... 2018 జులైలో 11,51,324 యూనిట్ల విక్రయాలు జరిగాయి.
ద్విచక్ర వాహనాల అమ్మకాలు జులైలో 16.82 శాతం తగ్గాయి. 2019 జులైలో వీటి అమ్మకాలు 15,11,692 యూనిట్లుగా నమోదైనట్లు సియామ్ పేర్కొంది. 2018 జులైలో ద్విచక్ర వాహనాల విక్రయాలు 18,17,406 యూనిట్లుగా ఉన్నాయి.
వాణిజ్య వాహనాల విక్రయాలు 2019 జులైలో 25,71 శాతం తగ్గి.. 56,866 యూనిట్లుగా నమోదయ్యాయి. గత ఏడాది ఇదే సమయంలో వీటి అమ్మకాలు 76,545 యూనిట్లుగా ఉన్నట్లు సియామ్ పేర్కొంది.
ఇదీ చూడండి: టీవీతోనే షాపింగ్, వీడియో కాన్ఫరెన్స్, ఆన్లైన్ గేమ్స్!
