బీఎస్ఎన్ఎల్ ఉద్యోగులకు ప్రభుత్వం ప్రకటించిన స్వచ్ఛంద పదవీ విరమణ(వీఆర్ఎస్)కు భారీ స్పందన వస్తున్నట్లు ఓ ఉన్నతాధికారి తెలిపారు. కేవలం మూడు రోజుల్లోనే 40,000 మంది వీఆర్ఎస్కు దరఖాస్తు చేసుకున్నట్లు వెల్లడించారు.
అసలెందుకు వీఆర్ఎస్...
స్వచ్ఛంద పదవీ విరమణకు 3 రోజుల్లో 40 వేల మంది!
కేవలం మూడు రోజుల్లోనే 40,000 మంది బీఎస్ఎన్ఎల్ ఉద్యోగులు స్వచ్ఛంద పదవీ విరమణ పథకానికి దరఖాస్తు చేసుకున్నట్లు ఆ సంస్థ ఉన్నతాధికారి వెల్లడించారు. గడువులోపు 80 వేల మంది వరకు దరఖాస్తు చేసుకునే అవకాశముందని బీఎస్ఎన్ఎల్ భావిస్తోంది.
బీఎస్ఎన్ఎల్ స్వచ్ఛంద పదవీ విరమణ
అప్పుల్లో కూరుకుపోయిన ప్రభుత్వ రంగ టెలికాం సంస్థలు బీఎస్ఎన్ఎల్, ఎంటీఎన్ఎల్ సంస్థలను గట్టెక్కించేందుకు కేంద్రం ఇటీవల రూ.69,000 కోట్లతో భారీ ప్యాకేజీ ప్రకటించింది. వ్యయాలను తగ్గించుకునేందుకు ఆయా సంస్థల ఉద్యోగులకు స్వచ్ఛంద పదవీ విరమణ పథకాన్ని తీసుకువచ్చింది. ఈ పథకానికి అక్టోబర్ 5 నుంచి దరఖాస్తులు స్వీకరిస్తున్నాయి బీఎస్ఎన్ఎల్, ఎంటీఎన్ఎల్లు. డిసెంబర్ 3ను చివరి తేదిగా నిర్ణయించాయి.
"వీఆర్ఎస్కు దరఖాస్తు చేసుకున్న వారిలో.. 26 వేల మంది గ్రూప్ సీ క్యాడెర్కు చెందిన వారు. అన్ని క్యాడెర్ల నుంచి మంచి స్పందన వస్తోంది."
- పి.కె.పర్వార్, బీఎస్ఎన్ఎల్ ఛైర్మన్
వీఆర్ఎస్ పథకాన్ని 70 నుంచి 80 వేల మంది ఉద్యోగులు వినియోగించుకుంటారని బీఎస్ఎన్ఎల్ భావిస్తోంది. దీని ద్వారా రూ.7,000 కోట్లు వ్యయంలో ఆదా అవుతుందని అంచనా.