దేశంలో ఇంటర్నెట్ యూజర్లపై ఇటీవల సైబర్ దాడులు భారీగా పెరిగినట్లు తెలుస్తోంది. ప్రస్తుత ఆర్థిక సంవత్సరం తొలి త్రైమాసికంలో.. ప్రతి ముగ్గురిలో ఒక ఇంటర్నెట్ యూజర్ సైబర్ దాడుల బారిన పడినట్లు ఓ సర్వే వెల్లడించింది. 'సైబర్ నేరాల నిఘా' పేరుతో కే7 కంప్యూటింగ్ లిమిటెడ్ సంస్థ నిర్వహించిన ఈ సర్వేలో పలు కీలక విషయాలు తెలిశాయి.
ముఖ్యంగా హైదరాబాద్, చెన్నై, బెంగళూరు, గువాహటి, పట్నా నగరాల్లో ఈ సైబర్ దాడులు అధికంగా జరుగుతున్నట్లు ఈ సర్వే పేర్కొంది.
నగరాల వారీగా సైబర్దాడులు ఇలా..
ఈ ఏడాది ఏప్రిల్-జూన్ మూడు నెలల మధ్య పట్నా, చెన్నైలలో అత్యధికంగా 48 శాతం సైబర్దాడులు జరిగాయి. గువాహటిలో 46 శాతం, లఖ్నవూలో 45 శాతం, కోల్కతాలో 41 శాతం సైబర్దాడులు నమోదయ్యాయి. దిల్లీలో అత్యల్పంగా 28 శాతం సైబర్ దాడులు జరిగాయని సర్వేలో తేలింది.
వ్యాపార సముదాయాలు, స్మార్ట్ ఫోన్లు, విండోస్, ఇంటర్నెట్ ఆఫ్ థింగ్స్లపై దేశవ్యాప్తంగా 20 పట్టణాల్లో ఈ సర్వే జరిగింది. టైర్-1, టైర్-2 పట్టణాల్లో సైబర్ దాడులు వేగంగా పెరుగుతున్నట్లు సర్వేలో వెల్లడైంది.
ఇదీ చూడండి: ఫ్లిప్కార్ట్ బిగ్బిలియన్ డేస్ ప్రత్యేక ఆఫర్లు ఇవే!