విదేశీ ఈ-కామర్స్ సంస్థలకు కేంద్రం ఊరట కల్పించింది. ఆయా సంస్థలకు చెందిన భారతీయ విభాగాల ద్వారా చేసే వస్తు, సేవల విక్రయాలపై 2 శాతం డిజిటల్ సర్వీస్ ట్యాక్స్ విధించరాదని నిర్ణయించింది. అందరికీ సమాన అవకాశాలు కల్పించే ఉద్దేశంతో ఈ నిర్ణయం తీసుకుంది కేంద్రం.
ఫినాన్స్ బిల్ 2021లో సవరణల ప్రకారం.. విదేశీ ఈ-కామర్స్ సంస్థలు భారత్లో శాశ్వత విభాగాన్ని కలిగి ఉండి, ఆదాయపు పన్ను చెల్లిస్తుంటే.. ఆయా కంపెనీలు 2 శాతం డిజిటల్ సుంకం చెల్లించాల్సిన అవసరం లేదు. భారత్లో ఎలాంటి పన్నులు చెల్లించని విదేశీ కంపెనీలు మాత్రం 2 శాతం డిజిటల్ ట్యాక్స్ చెల్లించాల్సిందే.