మనీలాండరింగ్కు పాల్పడిందనే ఆరోపణలతో లండన్కు చెందిన కార్ల తయారీ కంపెనీ రోల్స్ రాయిస్పై.. ఎన్ఫోర్స్మెంట్ డైరెక్టర్ (ఈడీ) క్రిమినల్ కేసు నమోదు చేసింది. 2007-11 మధ్యకాలంలో ప్రభుత్వ రంగ సంస్థలైన హెచ్ఏఎల్, ఓఎన్జీసీ, గెయిల్ నుంచి కాంట్రాక్టులు పొందేందుకు ఓ ఏజెంట్కు రూ. 77 కోట్లు కమీషన్గా ఇచ్చిందని పేర్కొంది. కేంద్ర దర్యాప్తు సంస్థ (సీబీఐ) ఈ ఏడాది జులైలో ఈకేసుపై ఎఫ్ఐఆర్ నమోదు చేసింది. దీని ఆధారంగా ఈడీ తాజాగా మనీలాండరింగ్ కేసు నమోదు చేసింది. ఒప్పంద ఉల్లంఘన, ముడుపుల చెల్లింపు అంశాన్ని కూడా ఈడీ తేల్చనుంది.
హెచ్ఏఎల్, రోల్స్ రాయిస్ మధ్య 2000-13 మధ్యకాలంలో రూ.4,700 కోట్ల వ్యాపారం జరిగినట్లు సీబీఐ పేర్కొంది.
రోల్స్‌రాయిల్‌, భారత్‌కు చెందిన దాని అనుబంధ సంస్ధ సహా సింగపూర్‌కు చెందిన ఆష్‌మోర్‌ ప్రైవేటు లిమిటెడ్‌ కంపెనీ యజమాని అశోక్‌ పత్ని, ముంబయిలోని టర్బోటెక్‌ ఎనర్జీ సర్వీసెస్‌ ఇంటర్నేషనల్‌ కంపెనీ సహా హెచ్ఏఎల్, ఓఎన్జీసీ, గెయిల్ అధికారులపై రక్షణ శాఖ ఫిర్యాదు మేరకు సీబీఐ గతంలో కేసు నమోదు చేసింది.