'దేశంలో 99.99% ప్రాంతాల్లో జియో నెట్​వర్క్'

ఫేస్​బుక్​ ఫ్యూయల్ ఫర్ ఇండియా సదస్సులో రిలయన్స్ ఇండస్ట్రీస్ అధినేత ముకేశ్ అంబానీ వర్చువల్​గా పాల్గొన్నారు. భారత్ డిజిటలీకరణవైపు వేగంగా అడుగులు వేస్తున్నట్లు ఇందులో వివరించారు. ప్రధాని మోదీ దూరదృష్టితోనే ఇది సాధ్యమవుతున్నట్లు పేర్కొన్నారు.

దేశవ్యాప్తంగా 99.99 శాతం ప్రాంతాలకు జియో నెట్​ వర్క్ అందుబాటులోకి తేనున్నట్లు రిలయన్స్ ఇండస్ట్రీస్ అధినేత ముకేశ్ అంబానీ తెలిపారు. కరోనా నేపథ్యంలో వర్క్ ఫ్రం హోం చేసే వారికి ఇది సహాయం చేయగలదని విశ్వాసం వ్యక్తం చేశారు.

ఫేస్​బుక్ ఫ్యుయల్ ఫర్ ఇండియా సదస్సులో వర్చ్​వల్​గా పాల్గొన్న అంబానీ ఈ విషయాలు వెల్లడించారు.

ప్రధాని నరేంద్ర మోదీ డిజిటల్ ఇండియా ఆలోచనలతోనే ఇది సాధ్యమవుతున్నట్లు ముకేశ్ పేర్కొన్నారు. భారత్​లో అత్యధిక విదేశీ ప్రత్యక్ష పెట్టుబడి పెట్టినందుకు ఫేస్​బుక్ వ్యవస్థాపకుడు మార్క్ జుకర్​బర్గ్​కు కృతజ్ఞతలు తెలిపారు.

ఇదీ చూడండి:సామాన్యులకు షాక్- మళ్లీ పెరిగిన వంట గ్యాస్ ధర