బోయింగ్ విమానాల్లో వినియోగించే ఇన్లెట్ అవుటర్ బ్యారెల్ విడిభాగాలను, బి737 విమానాలకు అవసరమైన సబ్-అసెంబ్లీలను (B737 plane's inlet outer) మహీంద్రా గ్రూపు సంస్థ అయిన మహీంద్రా ఏరోస్ట్రక్చర్స్‌ (Mahindra Aero structures) ఉత్పత్తి చేయనుంది. ఈ విడిభాగాలను బోయింగ్‌కు సరఫరా చేయనున్నట్లు మహీంద్రా ఏరోస్ట్రక్చర్స్‌ ఒక ప్రకటనలో వెల్లడించింది.
బోయింగ్ విమానాలకు 'మహీంద్రా' విడిభాగాలు
మహీంద్రా గ్రూప్ కంపెనీ మహీంద్రా ఏరోస్ట్రక్చర్ (Mahindra Aerostructures) భారీ ప్రాజెక్ట్ను చేజిక్కించుకుంది. బోయింగ్ విమానాల్లో వినియోగించే.. ఇన్లెట్ అవుటర్ బ్యారెల్ (B737 plane's inlet outer) విడిభాగాలను, బి737 విమానాలకు అవసరమైన సబ్-అసెంబ్లీల సరఫరాకు బోయింగ్ కంపెనీతో ఒప్పందం కుదుర్చుకుంది.
బొయింగ్ విమానం
2023 నుంచి ఉత్పత్తి మొదలు పెట్టనున్నట్లు, వీటిని నేరుగా అమెరికాలోని బోయింగ్ యూనిట్లకు అందించనున్నట్లు పేర్కొంది. ఈ మేరకు బోయింగ్‌తో మహీంద్రా ఏరోస్ట్రక్చర్స్‌ ఒప్పందం కుదుర్చుకుంది. బి737 విమానాల ఉత్పత్తిని పెంచే యత్నాల్లో బోయింగ్ నిమగ్నమై ఉంది. అందుకు అనువుగా విడిభాగాలను పెద్దఎత్తున సమీకరిస్తోంది. 'బోయింగ్ అత్యన్నత ప్రమాణాలను ఆశిస్తుంది. ఈ కాంట్రాక్టును దక్కించుకోవటం అంటే, మా సత్తాకు గుర్తింపు సాధించినట్లే' అని మహీంద్రా ఏరోస్ట్రక్చర్స్‌ సీఈఓ అర్వింద్‌ మెహ్రా వివరించారు.
ఇదీ చదవండి:ఏఎంజీ సెగ్మెంట్లో బెంజ్ 12వ మోడల్.. ధర ఎంతంటే?