స్మార్ట్​ఫోన్లలోనే 'బాహుబలి' ఈ కొత్త మోడల్​!

లెనోవో జెడ్​-6 ప్రో భారత మార్కెట్లోకి సెప్టెంబర్​ 5న విడుదల కానుంది. 12 జీబీ ర్యామ్​, 512 జీబీ ఇంటర్నల్​ స్టోరేజ్​​ వంటి బాహుబలి ఫీచర్లతో వస్తున్న లేటెస్ట్ ఫ్లాగ్‌షిప్ మోడల్ ఇది. అదే రోజు మరో రెండు ఫోన్లు విడుదల కానున్నాయి.

లెనోవో జెడ్-​6 ప్రో... ఇప్పటికే చైనాలో విడుదలై టెక్​ ప్రేమికులను విపరీతంగా ఆకట్టుకుంది. ఈ చరవాణి భారత విపణిలోకి సెప్టెంబర్​ 5న రానుంది. లెనోవో జెడ్-6 ప్రో తో పాటు లెనోవో కే-10 నోట్, లెనోవో ఏ-6 నోట్​ అదే రోజు రానున్నాయి. మరి లెనోవో జెడ్-​6 ప్రత్యేకతలు ఏంటో చూసేద్దామా?

ఫీచర్లు...

స్నాప్‌డ్రాగన్‌ 855 ఎస్​ఓసీ, 12 జీబీ ర్యామ్​, 512జీబీ ఆన్‌బోర్డ్‌ స్టోరేజి వంటివి జెడ్​-6 ప్రో లోని ముఖ్యమైన ఫీచర్లు. లెనోవో ఫోన్‌ ఆండ్రాయిడ్‌ 9 పై జెడ్​యూ-11తో నడుస్తుంది.

లెనోవో జెడ్​-6 ప్రో మోడల్​

ప్రత్యేకతలు...

1. వాటర్‌డ్రాప్ డిస్‌ప్లే
2. గొరిల్లా గ్లాస్ ప్రొటెక్షన్
3. వెనుక భాగంలో 3డీ కర్వ్‌డ్ గ్లాస్
4. ఏఐ క్వాడ్ కెమెరా వ్యవస్థ
5. ఇన్‌డిస్‌ప్లే ఫింగర్ ఫ్రింట్ సెన్సార్
6. లిక్విడ్ కూలింగ్ సిస్టమ్
7. 12 జీబీ ర్యామ్+ 512 జీబీ మెమొరీ వేరియంట్

కెమెరా...

లెనోవో జెడ్-​6 ప్రో చరవాణి వెనుక భాగంలో 4 కెమెరాలు (48 ఎంపీ+16 ఎంపీ+8 ఎంపీ+2 ఎంపీ) ఉంటాయి. ముందు భాగంలో 32 ఎంపీ సెల్ఫీ కెమెరా ఉంటుంది.

లెనోవో జెడ్​-6 ప్రో బ్యాక్​ కెమెరా

బ్యాటరీ సహా...

4,000 ఎంఏహెచ్ బ్యాటరీ, వేగవంతమైన చార్జింగ్, ఆండ్రాయిడ్ 9పై ఆపరేటింగ్ వ్యవస్థ, 6.39 అంగుళాల అమోలెడ్ తెర, ఫేస్ అన్‌లాక్ వంటి ఫీచర్లు కూడా ఉన్నాయి.

లెనోవో జెడ్​-6 ప్రో

ధర....

లెనోవో జెడ్​-6 ప్రో ధర రూ.30వేల నుంచి ప్రారంభమయ్యే అవకాశముంది.

• ఇదీ చూడండి: భారత్​కు త్వరలో 'యాపిల్'​ ఆన్​లైన్​ స్టోర్!