టాటా మోటార్స్కు చెందిన లగ్జరీ కార్ల విభాగం జాగ్వార్ ల్యాండ్ రోవర్ (జేఎల్ఆర్) భారత మార్కెట్పై ప్రత్యేక దృష్టి సారించినట్లు తెలుస్తోంది. 2021-22లో మొత్తం పది మోడళ్లు విడుదల చేయనున్నట్లు సంస్థ ప్రకటించడమే ఇందుకు నిదర్శనం. ఇందులో కొత్త తరం కార్లు సహా ఇప్పటికే మార్కెట్లో ఉన్న మోడళ్లకు అప్డేట్ వెర్షన్లు కూడా ఉండనున్నాయి.
జేఎల్ఆర్ గత నెలలోనే.. ఎలక్ట్రిక్‌ ఎస్‌యూవీ జాగ్వార్ ఐ-పేస్‌ను విడుదల చేసింది. దీని ప్రారంభ ధరను రూ.1.05 కోట్లు (ఎక్స్‌-షోరూం)గా నిర్ణయించింది.
మరింత అధునాతన సాంకేతికతతో కూడిన స్టైలిష్ మోడళ్లతో భారత్లో మార్కెట్ను పెంచుకోనున్నట్లు జేఎల్ఆర్ ఇండియా అధ్యక్షుడు, ఎండీ రోహిత్ సూరీ తెలిపారు. దేశ ఆర్థిక వ్యవస్థ క్రమంగా రికవరీ సాధిస్తుండటం కూడా లగ్జరీ కార్ల మార్కెట్కు కలిసొచ్చే అంశమని పేర్కొన్నారు..