ఆ విమానాల్లో జియో మొబైల్ సేవలు- ప్లాన్లు ఇవే

అంతర్జాతీయ విమాన ప్రయాణాల్లో మొబైల్​ సేవలు వాడుకునేందుకు వీలుగా రిలయన్స్ జియో మూడు ప్లాన్​లను విడుదల చేసింది. ఇందుకోసం పలు దిగ్గజ విమాన సంస్థలతో ఒప్పందం కుదుర్చుకుంది జియో.రూ.499, రూ.699, రూ.999తో ఆవిష్కరించిన కొత్త ప్లాన్ల వివరాలు ఇలా ఉన్నాయి.

టెలికాం దిగ్గజం రిలయన్స్ జియో మరో సరికొత్త ఆఫర్​ను ప్రకటించింది. 22 అంతర్జాతీయ రూట్లలో విమానాల్లో మొబైల్ సేవలు అందుబాటులోకి తీసుకొచ్చింది.

ఇందుకోసం జియో.. క్యాతే పసిఫిక్, సింగపూర్ ఎయిర్​లైన్స్, ఎమిరేట్స్, ఎతిహాద్ ఎయిర్​వేస్, యూరో వింగ్స్, లుఫ్తాన్సా, మలిండో ఎయిర్​, బీమన్ బంగ్లాదేశ్ ఎయిర్​లైన్స్, అలిటాలియా సంస్థలతో ఒప్పందం కుదుర్చుకుంది.

భారత్​ నుంచి ఈ ఎయిర్​లైన్ సంస్థల విమానాల్లో ప్రయాణించే వారికి జియో మొబైల్ సేవలు అందుబాటులో ఉండనున్నాయి.

ప్లాన్లు ఇలా..

• 1.రూ.499

100 నిమిషాల వాయిస్​కాల్స్, 100 ఎస్​ఎంఎస్​లు, 250 ఎంబీ డేటా

• 2.రూ.699

100 నిమిషాల వాయిస్​కాల్స్, 100 ఎస్​ఎంఎస్​లు, 500 ఎంబీ డేటా

• 3.రూ.999

100 నిమిషాల వాయిస్​కాల్స్, 100 ఎస్​ఎంఎస్​లు, 1జీబీ డేటా

ఈ మూడు ప్లాన్లకు.. ఒక రోజే వ్యాలిడిటీ ఉంటుంది. ఇందులో ఇన్​కమింగ్ కాల్స్​కు మాత్రం అనుమతి లేదు. ఇన్​కమింగ్ ఎస్​ఎంఎస్​లు ఉచితమని జియో వెబ్​సైట్​ ద్వారా తెలిసింది. జియో ఫోన్లతో, జియో వైఫై డివైజ్​ ద్వారా ఈ సేవలు వినియోగించుకునే వీలు లేదని వైబ్​సైట్లో పేర్కొంది జియో.

ఇదీ చూడండి:ఆ కస్టమర్లే లక్ష్యంగా 'జియో పోస్ట్​పెయిడ్​ ప్లస్'​