టెలికాం దిగ్గజం రిలయన్స్ జియో మరో సంచలనానికి తెరలేపనున్నట్లు తెలుస్తోంది. దేశంలో రూ.5 వేల కన్నా తక్కువ ధరలో 5జీ ఫోన్ను విడుదల చేయాలని జియో యోచిస్తున్నట్లు విశ్వసనీయ వర్గాలు తెలిపాయి. కార్యకలాపాలు ప్రారంభమైన తర్వాత క్రమంగా ఈ ఫోన్ ధరను రూ.2,500 నుంచి రూ.3 వేలకు తగ్గించాలని భావిస్తున్నట్లు వెల్లడించాయి.
ప్రస్తుతం 2జీ నెట్వర్క్ వినియోగిస్తున్న 20 నుంచి 30 కోట్ల మందే ప్రధాన లక్ష్యంగా.. జియో ఈ ప్రణాళికలు వేస్తున్నట్లు తెలుస్తోంది. ప్రస్తుతం దేశంలో అందుబాటులో ఉన్న 5జీ ఫోన్ కనీస ధర రూ.27 వేలుగా ఉండటం గమనార్హం.
ఈ విషయంపై జియో మాత్రం అధికారికంగా ఎలాంటి ప్రకటన చేయలేదు.
ఇంతకు ముందు కూడా జియో.. 4జీ ఫోన్ను రూ.1,500 రిఫండబుల్ డిపాజిట్తో విక్రయించిన విషయం తెలిసిందే.