ప్రభుత్వ రంగ చమురు మార్కెటింగ్ సంస్థ ఇండియన్ ఆయిల్ కార్పొరేషన్ లిమిటెడ్ (ఐఓసీఎల్) పెద్ద సంఖ్యలో నియామకాలు చేపడుతోంది. నాన్ ఎగ్జిక్యూటివ్ పోస్టుల కోసం దరఖాస్తులు స్వీకరిస్తున్నట్లు ఇటీవల ప్రకటించింది.
మొత్తం 513 పోస్టులు ఖాళీగా ఉన్నట్లు తెలిపింది ఐఓసీఎల్. అర్హులైన వారు.. ఆన్లైన్ ద్వారా దరఖాస్తు సమర్పించాల్సి ఉంటుందని తెలిపింది.
పోస్టుల వివరాలు..
- జూనియర్ ఇంజినీరింగ్ అసిస్టెంట్ - 479
- జూనియర్ క్వాలిటీ కంట్రోల్ అనలిస్ట్ - 29
- జూనియర్ మెటీరియల్ అసిస్టెంట్/టెక్నికల్ అసిస్టెంట్- 04
- జూనియర్ నర్సింగ్ అసిస్టెంట్ - 01
అర్హతలు..
- 2021 నాటికి 18 ఏళ్లు నిండి.. 26 ఏళ్లు దాటకుండా ఉండాలి. నాన్ క్రీమీలేయర్, ఓబీసీ అభ్యర్థులకు 3 ఏళ్లు వరకు.. ఎస్సీ, ఎస్టీ ఉద్యోగార్థులకు 5 ఏళ్ల వరకు సడలింపు.
- ఉద్యోగార్హతను బట్టి నెలకు రూ.25,000 నుంచి రూ.1,05,000 వరకు వేతనం.
- పోస్టులకు సంబంధించిన సబ్జెక్టుల్లో డిప్లొమా, డిగ్రీ పూర్తి చేసి ఉండాలి.
ఫీజు ఎంత?
రూ.150 ఫీజు చెల్లించాలి. అది కూడా ఎస్బీఐ చలాన్ ద్వారా మాత్రమే. ఎస్సీ/ఎస్టీ అభ్యర్థులు ఫీజు చెల్లించాల్సిన అవసరం లేదు.
దరఖాస్తు ఎలా చేయాలి?
- ఐఓసీఎల్ అధికారిక వెబ్సైట్లోకి లాగిన్ అవ్వాలి
- Careers ట్యాబ్ను క్లిక్ చేయాలి
- అందులో Non-Executive Recruitment 2021 కనిపిస్తుంది
- అప్లయ్ ఆన్లైన్ లింక్పై క్లిక్ చేయాలి
- ఫారంలో తప్పనిసరైన వివరాలన్నీ నింపాలి
- ఈ-చలాన్తో నిర్ణీత ఫీజు చెల్లించి.. ఆన్లైన్లో సబ్మిట్ చేయాలి
- ఈ దరఖాస్తును గడువులోగా ప్రింటౌట్ తీసుకోవాలి.. (తదుపరి ప్రక్రియకు ఇది అవసరమవుతుంది)
ముఖ్యమైన తేదీలు..
- సెప్టెంబర్ 21 నుంచే దరఖాస్తుల స్వీకరణ ప్రారంభమైంది. అక్టోబర్ 12 చివరి తేదీ.
- అప్లికేషన్ ప్రింటౌట్ తీసుకునేందుకు తుది గడువు అక్టోబర్ 15.
- అక్టోబర్ 24న రాత పరీక్ష నిర్వహించే అవకాశముంది.
- పరీక్ష అనుకున్న సమయానికి జరిగితే నవంబర్ 11న ఫలితాలు వెల్లడి కానున్నాయి.
ఇదీ చదవండి:ఐటీ రీఫండ్ అంటూ మోసాలు.. ఆండ్రాయిడ్ యూజర్లే టార్గెట్!
