ఒక్క రోజులో రూ.7 లక్షల కోట్లు సంపాదించారు..!

బొంబాయి స్టాక్​ ఎక్స్ఛేంజి నమోదిత కంపెనీల్లోని మదుపరుల సంపద కేవలం ఒక్క రోజులో రూ.7 లక్షల కోట్లు పెరిగింది. కార్పొరేట్ సుంకాన్ని తగ్గిస్తూ కేంద్రం ప్రకటించిన ఉద్దీపనతో నమోదైన అత్యధిక లాభాలే ఇందుకు కారణం.

గత పదేళ్లలో ఎన్నడూ లేనంతగా ఒక్క రోజులోనే స్టాక్ మార్కెట్లు భారీగా పుంజుకున్నాయి. కార్పొరేట్లకు 34 శాతంగా ఉన్న సుంకాన్ని 25 శాతానికి తగ్గిస్తూ కేంద్రం భారీ ప్రోత్సాహకాన్ని ప్రకటించింది. ఈ నిర్ణయంతో ఒక్కసారిగా వెల్లువెత్తిన కొనుగోళ్లు చివరి వరకు కొనసాగాయి.

ఈ భారీ కొనుగోళ్లతో బీఎస్​ఈ నమోదిత కంపెనీల్లో మదుపరుల సంపద రూ.6,82,938.6 కోట్లు పెరిగింది. తాజా వృద్ధితో మదుపరుల పూర్తి సంపద 1,45,37,378.01 కోట్లకు చేరింది.

ఇదూ చూడండి: కార్పొరేట్​ పన్ను తగ్గింపు చారిత్రక నిర్ణయం: మోదీ