ఫోర్బ్స్ ప్రకటించిన ఉత్తమ కంపెనీల (250) జాబితాలో..17 భారతీయ సంస్థలు చోటుదక్కించుకున్నాయి.
ఈ జాబితాలో దేశీయ ఐటీ దిగ్గజం ఇన్ఫోసిస్ మూడో స్థానంలో నిలిచింది. తొలి రెండు స్థానాల్లో.. పేమెంట్ సాంకేతిక సంస్థ 'వీసా', లగ్జరీ కార్ల తయారీ సంస్థ 'ఫెరారీ' ఉన్నాయి.
గత ఏడాది ఫోర్బ్స్ జాబితాలో 31వ స్థానంలో ఉన్న ఇన్ఫోసిస్.. ఏకంగా ముడో స్థానానికి ఎగబాకడం గమనార్హం.
జపాన్, చైనా, భారత్ మూడు దేశాలకు చెందిన 82 కంపెనీలు ఈ జాబితాలో చోటు సంపాదించాయి. విశ్వసనీయత, సామాజిక ప్రవర్తన, వస్తు-సేవల నాణ్యత ఆధారంగా స్టాటిస్టా అనే సంస్థతో కలిసి ఫోర్బ్స్ ఈ జాబితా రూపొందించింది.
ఫోర్బ్స్ జాబితాలో భారత కంపెనీలు...
ఫోర్బ్స్ జాబితా టాప్ 50లో టీసీఎస్ (22), టాటా మోటార్స్ (31) చోటుదక్కించుకున్నాయి.
ఆ తర్వాత టాటా స్టీల్ (105), లార్సెన్ టూబ్రో (115), మహీంద్రా&మహీంద్రా (117), హెచ్డీఎఫ్సీ (135), బజాజ్ ఫిన్సర్వ్ (143), పిరమాల్ ఎంటర్ప్రైజెస్ (149), స్టీల్ అథారిటీ ఆఫ్ ఇండియా (153), హెచ్సీఎల్ (155), హిందాల్కో(157), విప్రో (168), హెచ్డీఎఫ్సీ బ్యాంక్ (204), సన్ఫార్మా (217), జనరల్ ఇన్సూరెన్స్ (224), ఐటీసీ (231), ఏషియన్ పెయింట్స్ (248) ఉన్నాయి.
ఫోర్బ్స్ జాబితాలోని టాప్ 10 కంపెనీలు..
నెట్ ఫ్లిక్స్ (4), పేపాల్ (5), మైక్రోసాఫ్ట్ (6), వాల్ట్ డిస్నీ (7), టొయోటా మోటార్స్ (8), మాస్టర్ కార్డ్ (9), కాస్ట్కో హోల్సేల్(10)
ఫోర్స్బ జాబితాలో 250 అత్యుత్తమ కంపెనీల్లో 59 సంస్థలతో అమెరికా తొలి స్థానంలో ఉంది.
ఇదీ చూడండి: 'పన్ను కోతతో పెట్టుబడుల స్వర్గధామంగా భారత్'
