దేశీయ టెక్ దిగ్గజం ఇన్ఫోసిస్ మరో రికార్డును (Infosys new record) సాధించింది. దేశీయ స్టాక్ మార్కెట్లో మంగళవారం ఉదయం కంపెనీ షేర్లు జీవనకాల గరిష్ఠాన్ని తాకాయి. దీనితో కంపెనీ మార్కెట్ క్యాపిటల్ (ఎం-క్యాప్) (Infosys M-Cap) 100 బిలియన్ డాలర్ల మార్క్ దాటింది. ఈ మార్క్ను దాటిన నాలుగో భారతీయ కంపెనీగా నిలిచింది.
బీఎస్ఈ వద్ద లభించిన డేటా ప్రకారం మంగళవారం ఉందయం సంస్థ షేరు విలువ రూ.1,752.45 వద్దకు చేరింది. ఎం-క్యాప్ రూ.7.44 లక్షల కోట్ల మార్క్ను తాకింది.
తొలి మూడు కంపెనీలు..
- మార్కెట్ విలువ పరంగా 100 బిలియన్ డాలర్ల మార్క్ దాటిన తొలి భారతీయ కంపెనీగా రిలయన్స్ ఇండస్ట్రీస్ చరిత్ర సృష్టించింది. ఈ కంపెనీ ఎం-క్యాప్ (RIL M-Cap) 140 బిలియన్ డాలర్లుగా ఉంది.
- టాటా గ్రూప్నకు చెందిన టెక్ దిగ్గజం టీసీఎస్ ఈ జాబితాలో రెండో స్థానంలో ఉంది. టీసీఎస్ ప్రస్తుత ఎం-క్యాప్ (TCS M-Cap) 115 బిలియన్ డాలర్లు.
- ఇక మూడో స్థానంలో ప్రైవేటు రంగ బ్యాంకింగ్ దిగ్గజం హెచ్డీఎఫ్సీ బ్యాంక్ ఉంది. దీని ఎం-క్యాప్ (HDFC Bank M-Cap) 100.1 బిలియన్ డాలర్లు.
ఇదీ చదవండి:ఇన్ఫోసిస్కు నిర్మలా సీతారామన్ డెడ్లైన్.. కారణమిదే!
