మరికొన్నేళ్లలో భారత్లో ఇంటర్నెట్ వినియోగదారుల సంఖ్య గణనీయంగా పెరుగుతుందని ప్రముఖ హార్డ్వేర్ దిగ్గజం సిస్కో నివేదిక తెలిపింది.
ఈ నివేదిక ప్రకారం 2018లో 398 (దేశ జనాభాలో 29 శాతం) మిలియన్లుగా ఉన్న ఇంటర్నెట్ వినియోగదారుల సంఖ్య.. 2023 నాటికి 907 ( దేశ జనాభాలో 68 శాతం) మిలియన్లకు చేరుతుంది.
మొబైల్ యూజర్లు 2018లో 763 మిలియన్లు (దేశ జనాభాలో 56 శాతం)గా ఉండగా.. 2023 నాటికి ఆ సంఖ్య 966 మిలియన్ల (దేశ జనాభాలో 68 శాతం)కు చేరుతుంది. ఇదే సమయంలో ప్రతి 20 మందిలో ఒకరు 5జీ సాంకేతికతను వినియోగిస్తారు. వీరి సంఖ్య 67.2 మిలియన్లుగా ఉంటుందని సిస్కో నివేదిక పేర్కొంది.
భారత్లో జనాభా కంటే డివైజ్లు, కనెక్షన్లు వేగంగా వృద్ధి చెందుతున్నట్లు సిస్కో నివేదిక తెలిపింది. ఈ ధోరణి డివైజ్ల సంఖ్య భారీగా పెరిగేందుకు దోహదం చేస్తుందని అభిప్రాయపడింది.
ఇదీ చూడండి:మైక్రోసాఫ్ట్ ఆఫీస్ 'ఆల్ ఇన్ వన్' యాప్..!
