బ్రిటన్​లో ఆసియాకు చెందిన అత్యంత ధనికులు వీరే!

లండన్​లో ఎన్​ఆర్​ఐ వ్యాపార దిగ్గజాల్లో ఆసియాలోనే అత్యంత ధనికులుగా హిందూజా కుటుంబం నిలిచింది. 25.2 బిలియన్ పౌండ్ల సంపదతో ఆరో సారి ఈ ఘనత సాధించింది.

బ్రిటన్​లో ఆసియాకు చెందిన అత్యంత ధనికులుగా 25.2 బిలయన్​ పౌండ్ల సంపదతో హిందూజా కుంటుంబం మొదటి స్థానంలో నిలిచింది. వరుసగా ఆరోసారి ఈ ఘనత సాధించడం విశేషం. గతేడాదితో పోలిస్తే హిందూజా కుటుంబం సంపద 3 బిలియన్​ పౌండ్లకు పైగా పెరిగింది.

ఉక్కు పారిశ్రామిక దిగ్గజం లక్షీ మిట్టల్​ కుటంబం 11.2 బిలియన్​ పౌండ్ల సంపదతో రెండో స్థానం దక్కించుకుంది. వీరి సంపద 2.8 బిలయన్ డాలర్లు తగ్గింది. బ్రిటన్​లో ఆసియాకు చెందిన 101 ధనికుల జాబితా 'ఏషియన్​ రిచ్​ లిస్ట్​-2019' ని భారత హైకమిషనర్ రుచి ఘనశ్యామ్​ విడుదల చేశారు. ఎస్ పీ లోహియా కుటంబం 5.8బిలయన్​ పౌండ్ల సంపదతో మూడోస్థానంలో నిలిచింది.

ఎంపిక చేసిన 101 మంది ధనికుల మొత్తం సంపద 85.2 బిలయన్ పౌండ్లు. ప్రతి ఏటా వీరి సంపద పెరుగుతూనే ఉంది. ఈ ఏడాది 5 బిలయన్​ పౌండ్లు వృద్ధి నమోదైంది.

ఈ ఏడాది ఏడుగురు కొత్త ఎన్​ఆర్​ఐలకు ఈ జాబితాలో స్థానం లభించింది.

లండన్​లో పురాతన యుద్ధ కార్యాలయాన్ని 250ఎళ్లకు లీజుకు తీసుకున్న హిందుజా సంస్థ దానిని విలాసవంతమైన నివాసాలుగా మార్చి వ్యాపారం చేస్తోంది.