'బంగారు ఆభరణాలకు హాల్​మార్క్ తప్పనిసరి'

బంగారు ఆభరణాలకు 2021 నుంచి హాల్​ మార్క్ తప్పనిసరి చేయనుంది కేంద్రం. పసిడి స్వచ్ఛతను మరింత కచ్చితంగా గుర్తించేందుకు వీలుగా ఈ నిర్ణయం తీసుకుంది ప్రభుత్వం.

బంగారు ఆభరణాలు, ప్రతిమలకు 'హాల్​మార్క్' గుర్తింపు​ తప్పనిసరి చేయనున్నట్లు కేంద్రం ప్రకటించింది. 2021 జనవరి నుంచి ఈ విధానం అమలు చేయనున్నట్లు వినియోగదారు వ్యవహారాల మంత్రి రామ్​ విలాస్ పాసవాన్​ వెల్లడించారు. పసిడి నాణ్యతను కచ్చితంగా నిర్ధరించేందుకు ఈ విధానాన్ని తప్పనిసరి చేయనున్నట్లు పేర్కొన్నారు.

దీనికి సంబంధించి వినియోగదారుల వ్యవహారాల మంత్రిత్వ శాఖ విభాగం నోటిఫికేషన్ జారీ చేసింది. నగల వ్వాపారుల వద్ద ఇప్పటికే ఉన్న స్టాక్​ను విక్రయించేందుకు ఏడాది సమయమివ్వనున్నట్లు నోటిఫికేషన్​లో పేర్కొంది కేంద్రం. ఆ తర్వాత 2021 జనవరి 15 నుంచి హాల్​మార్క్​ తప్పని సరి చేయనున్నట్లు వెల్లడించింది.

ఇదీ చూడండి:మరోమారు తగ్గిన జీడీపీ.. 2019-20 క్యూ2లో 4.5 శాతమే