ప్రభుత్వ సంస్థల ప్రైవేటీకరణకు కేబినెట్ ఆమోదం

ప్రభుత్వ రంగ సంస్థల నుంచి భారీగా పెట్టుబడుల ఉపసంహరణకు కేంద్రం సిద్ధమైంది. ముఖ్యంగా భారత్​ పెట్రోలియం సహా మొత్తం మూడు ప్రభుత్వ సంస్థలను ప్రైవేటీకరణ చేసేందుకు కేబినేట్ ఆమోద ముద్ర వేసింది.

ప్రభుత్వ సంస్థ ప్రైవేటీకరణపై కేంద్రం కీలక నిర్ణయం తీసుకుంది. చమురు దిగ్గజం భారత్​ పెట్రోలియం కార్పొరేషన్ లిమిటెడ్​(బీపీసీఎల్​), షిప్పింగ్ కార్పొరేషన్ ఆఫ్​ ఇండియా (ఎస్​సీఐ), కంటైనర్ కార్పొరేషన్ ఆఫ్​ ఇండియా(కాన్​కోర్​) సంస్థలను ప్రైవేటికరించేందుకు కేబినెట్ ఆమోద ముద్ర వేసింది. వచ్చే ఏడాది మార్చిలోగా బీపీసీఎల్​ విక్రయం పూర్తవుతుందని నిర్మలా సీతారామన్​ ఇటీవల తెలిపిన విషయం తెలిసిందే.

ప్రభుత్వ వాటాలు ఇలా..

ప్రస్తుతం బీపీసీఎల్​లో ప్రభుత్వానికి.. 53.29 శాతం వాటా ఉంది. ఈ వాటా మొత్తం విక్రయించి.. సంస్థ యాజమన్యాన్ని ప్రైవేటు చేయాలని కేంద్రం యోచన. ఎస్​సీఐలో 63.75 శాతం వాటను, కాన్​కోర్​లో 30.9 శాతం పెట్టుబడులను ఊపసంహరించుకోవాలన్నది కేంద్రం ప్రణాళిక.

అదే విధంగా మరిన్ని ప్రభుత్వ సంస్థల నుంచి 51 శాతం కన్నా తక్కువకు.. ప్రభుత్వ పెట్టుబడులను ఉపసంహరించుకోవాలన్న ప్రతిపాదనకు అంగీకరం తెలిపింది. ప్రధానంగా.. ఇండియన్ ఆయిల్ కార్పొరేషన్ ఈ జాబితాలో ఉంది.

ఆర్థిక మందగమనం నేపథ్యంలో.. ప్రభుత్వాదాయాన్ని పెంచుకునే దిశగా కేంద్రం ఈ నిర్ణయం తీసుకుంది.

ఉల్లి దిగుమతులకు ఒకే..

ఆహార మంత్రిత్వ శాఖ ప్రతిపాదించిన 1.2 లక్షల టన్నుల ఉల్లి దిగుమతికీ కేబినెట్ ఆమోదం తెలిపింది. గత కొన్ని రోజులుగా దేశంలో పలు ప్రాంతాల్లో ఉల్లి లభ్యత తగ్గి.. ధరలు భారీగా పెరిగాయి. ముఖ్యంగా దేశ రాజధాని దిల్లీలో ఈ ప్రభావం అధికంగా ఉంది.

ఈ నేపథ్యంలో ధరల కట్టడికి కేంద్రం ఈ నిర్ణయం తీసుకున్నట్లు నిర్మలా సీతారామన్​ తెలిపారు.

ఇదీ చూడండి:టెలికాం సంస్థలకు కేంద్రం భారీ ఊరట!