శ్రీరామ్ ట్రాన్స్పోర్ట్ ఫినాన్స్ కంపెనీ (ఎస్టీఎఫ్సీ)కి రూ.5 కోట్ల జరిమానా విధించింది ఎన్ఫోర్స్మెంట్ డైరెక్టరేట్(ఈడీ). వారెంట్ల జారీకి సంబంధించిన ఓ పాత కేసులో ఈమేరకు అపరాధ రుసుము చెల్లించాలని ఆదేశించింది.
ఎస్టీఎఫ్సీతో 2012 ఏప్రిల్ వరకు భాగస్వామిగా ఉన్న శ్రీరామ్ హోల్డింగ్స్ (మద్రాస్) ప్రైవేట్ లిమిటెడ్(ఎస్హెచ్ఎంపీఎల్).. 2006లో ఓ విదేశీయుడికి రూ.243.6 కోట్లు విలువైన వారెంట్లు జారీచేసింది. తర్వాత వాటిని ఈక్విటీ షేర్లుగా మార్చారు. అయితే ఈ వ్యవహారంలో విదేశీ మారకపు నిర్వహణ చట్టం (ఫెమా)ను ఉల్లంఘించారని నిర్ధరిస్తూ జరిమానా విధించింది ఈడీ. ఈ కేసులో అప్పటి ఎస్హెచ్ఎంపీఎల్ డైరెక్టర్లు ముగ్గురికి రూ.50 లక్షల చొప్పున జరిమానా వేసింది.