సరికొత్త ఫీచర్లతో 'నెక్ట్స్​ జనరేషన్​ పల్సర్​'

దేశీయ ద్విచక్ర వాహనాల తయారీ సంస్థ బజాజ్​ మరో కొత్త మోడల్​ను మార్కెట్​లోకి తీసుకురానుంది. నెక్ట్స్​ జనరేషన్​ పల్సర్​-250 పేరుతో ఈ బైక్​ త్వరలో విడుదల చేయనుంది.

దేశీయ ఆటోమొబైల్​ దిగ్గజం బజాజ్​.. 'పల్సర్​' శ్రేణిలో సరికొత్త మోడల్​ను విడుదల చేయనుంది. 'నెక్ట్స్​ జనరేషన్​ పల్సర్-250సీసీ'​ పేరుతో దీనిని మార్కెట్​లోకి తీసుకురానుంది. ఇందులో అన్నింటి కంటే ప్రధానంగా కంఫర్టబుల్​ సీటింగ్​తో ఉండే బైక్​ డిజైన్​.. వాహన ప్రియులను ఎంతగానో ఆకట్టుకుంటుందని సంస్థ తెలిపింది. ఎన్​ఎస్​/ ఆర్​ఎస్ అనే రెండు మోడల్స్​లో పల్సర్ 220సీసీ రానున్నట్లు సమాచారం.

ఫీచర్లు..

• సరికొత్త ఎల్‌ఈడీ హెడ్‌ల్యాంప్
• బాడీ ప్యానెల్స్‌తో కూడిన ఇంధన ట్యాంక్
• స్టెప్-అప్ పిలీయన్(వెనక) సీటు
• కొత్త ఇన్​స్ట్రూమెంట్ క్లస్టర్
• కనెక్టివిటీ టెక్నాలజీ
• డ్యూయల్-ఛానల్ ఏబీఎస్
• ఆయిల్-కూల్డ్ ఇంజిన్

ఇలాంటి అత్యాధునిక హంగులతో రాబోతున్న బజాజ్​ 'నెక్ట్స్​ జనరేషన్​ పల్సర్​' ధర.. పల్సర్ 220ఎఫ్(రూ.1.25 లక్షలు) కన్నా ఎక్కువ ఉండొచ్చని మార్కెట్ వర్గాల అంచనా. పండగ సీజన్​కు ముందు ఈ ద్విచక్రవాహనాన్ని విడుదల చేయనున్నట్లు తెలుస్తోంది.

ఇదీ చూడండి:దూకుడు పెంచిన హీరో.. రెండు నెలల్లో 10 కొత్త మోడళ్లు!