64 మెగా పిక్సెల్ కెమెరా​ ఫోన్​ కొనాలనుకుంటున్నారా?

భారత్​లో స్మార్ట్​ ఫోన్​ కంపెనీల మధ్య ప్రస్తుతం తీవ్ర పోటీ నడుస్తోంది. ఒక సంస్థ కొత్త మోడల్ విడుదల చేసిన వెంటనే దానికి పోటీగా ప్రత్యర్థి సంస్థలు తమ మోడళ్లను మార్కెట్లోకి తెస్తున్నాయి. ముఖ్యంగా కెమెరా విషయంలో ఈ పోటీ ఎక్కువగా ఉంటోంది. ఆ పోటీ ఎలా ఉంది.. ఇందులో ఏఏ సంస్థలు ప్రధానంగా ఉన్నాయి.. తక్కువ ధరలో అందుబాటులో ఉన్న 64 ఎంపీ కెమెరా ఉన్న స్మార్ట్​ఫోన్ల వివరాలు మీ కోసం.

మొబైల్​ ఫోన్ కంపెనీల మధ్య ప్రస్తుతం కెమెరాల యుద్ధం నడుస్తోంది. కెమెరాల సంఖ్యతో పాటు.. రిజల్యూషన్​ వంటి ఫీచర్లపై కంపెనీలు ఎక్కువగా పోటీ పడుతున్నాయి.

2012 సంవత్సరం నుంచి మొదలైన ఈ ట్రెండ్.. మధ్యలో కాస్త తగ్గింది. ఈ ఏడాది 48 మెగా పిక్సెల్​ కెమెరాతో మళ్లీ పోటీ ఊపందుకుంది. ఇప్పుడు 64 మెగా పిక్సెల్​తో సంస్థలు పోటీపడుతున్నాయి.ప్రస్తుతం భారత్​లో 64 మెగా పిక్సెల్​ రియర్​ కెమెరాతో నాలుగు ఫోన్లు అందుబాటులో ఉన్నాయి. వాటి ధర రూ.14,990తో ప్రారంభం అవుతుండటం గమనార్హం. ఇంతకీ ఆ మోడళ్లు ఏవి.. వాటి ఇతర ఫీచర్లు ఎలా ఉన్నాయనే విషయాలు మీకోసం.

రియల్​మీ ఎక్స్​టీ..

భారత్​లో 48 ఎంపీ రియర్​ కెమెరా స్మార్ట్​ఫోన్​ను విడుదల చేసిన సంస్థగా 'హానర్'​ నిలిచింది. అయితే హానర్​ సహా.. షియోమీ, శాంసంగ్ వంటి దిగ్గజ సంస్థలకు గట్టి పోటీనిస్తూ రియల్​మీ ఏకంగా 4 కెమెరాలు 64 మెగా పిక్సెల్​తో కొత్త స్మార్ట్​ ఫోన్​ను విడుదల చేసింది. ఈ ఏడాది సెప్టెంబర్​లో.. 'రియల్​ మీ ఎక్స్​టీ' పేరుతో ఈ మోడల్​ మార్కెట్​లోకి వచ్చింది.

రియల్​మీ ఎక్స్​టీ..

ఎక్స్​టీ ఇతర ఫీచర్లు..

ఈ స్మార్ట్​ ఫోన్​​ 4 జీబీ ర్యామ్​, 64 జీబీ స్టోరేజీ, 6 జీబీ ర్యామ్​, 64 జీబీ స్టోరేజీ, 8 జీబీ ర్యామ్​, 128 జీబీ స్టోరేజీ వేరియంట్​లలో అందుబాటులోకి తెచ్చింది రియల్​మీ. వీటి ధరలు వరుసగా రూ.15,999, రూ.16,999, రూ.18,999 గా నిర్ణయించింది.

• 6.4 అంగుళాల ఆమోలెడ్​ డిస్​ప్లే
• ఇన్​-డిస్​ప్లే ఫింగర్​ప్రింట్​
• స్నాప్​డ్రాగన్ 712 ప్రాసెసర్
• 16 ఎంపీ సెల్ఫీ కెమెరా
• 4,000 ఎంఏహెచ్​ బ్యాటరీ

రెడ్​మీ నోట్ 8 ప్రో

రియల్​ మీ ఎక్స్​టీకి పోటీగా అక్టోబర్​లో రెడ్​మీ నోట్​8 ప్రోను విడుదల చేసింది షియోమీ. వెనుక వైపు నాలుగు కెమెరాలతో (64 ఎంపీ+8 ఎంపీ+2ఎంపీ+2ఎంపీ).. ఈ మోడల్​ను విడుదల చేసింది.

రెడ్​మీ నోట్ 8 ప్రో

ఈ మోడల్​ ఇతర ఫీచర్లు..

• 4జీబీ ర్యామ్​-64 జీబీ స్టోరేజి​ ​ వేరియంట్​.. ధర రూ.14,999
• 6 జీబీ ర్యామ్-128 జీబీ స్టోరేజి​ ​ వేరియంట్.. ధర రూ.15,999
• 8 జీబీ ర్యామ్-128 జీబీ స్టోరేజి​ వేరియంట్.. ధర రూ.17,999
• 6.58 అంగుళాల పూర్తి హెచ్​డీ, డాట్​ నాచ్​ డిస్​ప్లే..
• గొరిల్లా గ్లాస్ 5 రక్షణ
• 20 మెగా పిక్సెల్​ సెల్ఫీ కెమెరా
• మీడియా టెక్ హీలియో జీ90టీ ప్రాసెసర్
• లిక్విడ్​ కూలింగ్​ వ్యవస్థ
• అమెజాన్ అలెక్సా అసిస్టెంట్ (బిల్ట్​ ఇన్​)
• అండ్రాయిడ్​ 9 పై ఆపరేటింగ్ వ్యవస్థ
• 4,500 ఎంఏహెచ్​ బ్యాటరీ.. ఫాస్ట్ ఛార్జింగ్ సపోర్ట్

రియల్​ మీ ఎక్స్​2 ప్రో..

తొలుత మిడ్​ రేంజ్​ నుంచి ప్రీమియం ఫోన్​లో 64 ఎ పీల రియర్​ కెమెరా ఫోన్​ను విడుదల చేసిన రియల్​ మీ.. నవంబర్​లో పూర్తి ప్రీమియం మోడల్​ను భారత మార్కెట్లోకి విడుదల చేసింది. రియల్​మీ ఎక్స్​2 ప్రోగా ఈ మెడల్​ను భారత్​ మార్కెట్లోకి తెచ్చింది. ఇందులో (64+13+8+20) క్వాడ్​ కెమెరా సెటప్​ను ఉంచింది.

8 జీబీ ర్యామ్​, 128 జీబీ స్టోరేజి, 12జీబీ ర్యామ్​, 256 జీబీ స్టోరేజీ వేరియంట్​తో పాటు.. ఓ ప్రత్యేక ఎడిషన్​ను విడుదల చేసింది. వీటి ధరలు వరుసగా రూ.29,999, రూ.33,999, రూ.34,999గా నిర్ణయించింది.

రియల్​ మీ ఎక్స్​2 ప్రో..

ఇతర ఫీచర్లు..

6.50 అంగుళాల డిస్​ప్లే
స్నాప్​డ్రాగన్ 855+ ప్రోసెసర్​
50 వాట్స్​ ఫాస్ట్​ ఛార్జింగ్​
4,000 ఎంఏహెచ్​ బ్యాంటరీ
16 ఎంపీ సెల్ఫీ కెమెరా
ఆండ్రాయిడ్ 9పై ఓఎస్​

శాంసంగ్​ గెలాక్సీ ఏ 70ఎస్

48 మెగా పిక్సెల్​ కెమెరా ఫోన్లలో గట్టిపోటీ ఇచ్చిన శాంసంగ్​.. ఇటీవల 64 ఎంపీ కెమెరా పోటీలోకి ప్రవేశించింది. అయితే.. మూడు కెమెరాల(64 + 8 + 5).. రేంజ్​లో ఈ ఫోన్​ను తీసుకువచ్చింది శాంసంగ్. రియల్​ మీ ఎక్స్​2 ప్రో మోడల్​కు పోటీగా.. ప్రీమియం సెగ్మెంట్​లో ఈ స్మార్ట్​ ఫోన్​ను ఆవిష్కరించింది శాంసంగ్​.

6 జీబీ ర్యామ్​, 128 జీబీ స్టోరేజీ, 8 జీబీ ర్యామ్​, 128 జీబీ స్టోరేజీల్లో ఈ మోడల్​ అందుబాటులో ఉంది. వీటి ధరలు వరుసగా.. రూ.28,999, రూ.30,999గా నిర్ణయించింది.

శాంసంగ్​ గెలాక్సీ ఏ 70ఎస్

ఇతర ఫీచర్లు..

• 6.7 అంగుళాల డిస్​ప్లే.. వాటర్​ డ్రాప్​ నాచ్​
• 32 ఎంపీల సెల్ఫీ కెమెరా
• 4,500 ఎంఏహెచ్​ బ్యాటరీ
• స్నాప్​డ్రాగన్ 675 ప్రాసెసర్​

పోటీ మరింత తీవ్రం..

ఈ పోటీని మరింత తీవ్ర చేసేందుకు శాంసంగ్. త్వరలోనే హై రెజల్యూషన్​ 60 ఎంపీ ఐఎంఎక్స్ 686 కెమెరా ఫోన్​ను మార్కెట్లోకి తీసుకురానున్నట్లు ఇప్పటికే ప్రకటించింది. ఐఎంఎక్స్ 686తో వస్తున్న తొలి ఫోన్ ఇదే కావడం విశేషం. రెడ్​ మీ ఏకంగా 108 మెగా పిక్సెల్​ల కెమెరాను తీసుకురానుంది.

నవంబర్​ 5న 'ఎమ్​ఐ సీసీ9 ప్రో' పేరుతో ఈ ఫోన్​ను చైనాలో విడుదల చేసింది షియోమీ. తరువాత దాని గ్లోబర్ వెర్షన్​ 'ఎమ్​ఐ నోట్​ 10' స్మార్ట్​ఫోన్​ను నవంబర్​ 14న పోలాండ్​లో ఆవిష్కరించారు. ఈ నెలలోనే ఈ మోడల్​ భారత్​కు వచ్చే అవకాశముంది.

ఇదీ చూడండి:రెపో రేటు తగ్గేనా?.. నేడే ఆర్బీఐ కీలక ప్రకటన