ప్రపంచంలో అతిపెద్ద కంపెనీలు అనగానే అమెజాన్, యాపిల్, మైక్రోసాఫ్ట్, గూగుల్ వంటివి ముందుగా గుర్తొస్తాయి. 21వ శతాబ్దంలో ప్రారంభమైన టెస్లా, ఫేస్బుక్ వంటి కంపెనీలు కూడా దిగ్గజ సంస్థలకు పోటీనిస్తూ ప్రపంచంలోనే అత్యంత విలువైన సంస్థల జాబితాలో చోటు దక్కించుకున్నాయి. ఆయా కంపెనీలు ఆర్జిస్తున్న లాభాలే ఇందుకు ప్రధాన కారణం అనడంలో సందేహం లేదు. మరి ఆ కంపెనీలు నిమిషానికి ఎంత ఆదాయాన్ని గడిస్తున్నాయో ఓ సారి చూద్దాం.
- 2021 తొలి త్రైమాసికం గణాంకాల ఆధారంగా కంపెనీల ఆదాయాల వివరాలు ఇలా ఉన్నాయి.
అమెజాన్
ఈ-కామర్స్ దిగ్గజం అమెజాన్ ఆదాయం నిమిషానికి సగటున 837,330 డాలర్లుగా తెలిసింది. 2021 క్యూ1లో ఈ సంస్థ మొత్తం ఆదాయం 100 బిలియన్ డాలర్ల మార్క్ దాటడం గమనార్హం.
అమెజాన్ మార్కెట్ విలువ 1.76 ట్రిలియన్ డాలర్లు.
యాపిల్
లగ్జరీ గాడ్జెట్ల తయారీ సంస్థ యాపిల్ నిమిషానికి 691,235 డాలర్లు ఆర్జిస్తున్నట్లు వెల్లడైంది. ఈ ఏడాది తొలి ముడు నెలల్లో యాపిల్ ఆదాయం 89.6 బిలియన్ డాలర్లుగా నమోదైంది.
యాపిల్ మార్కెట్ విలువ 2.2 ట్రిలియన్ డాలర్లు (ప్రపంచంలో అత్యధిక మార్కెట్ విలువ ఉన్న కంపెనీ ఇదే).
ఆల్ఫాబెట్ (గూగుల్ మాతృ సంస్థ)
సెర్చ్ ఇంజన్ దిగ్గజం గూగుల్ మాతృ సంస్థ ఆల్ఫాబెట్ ఈ ఏడాది తొలి త్రైమాసికంలో నిమిషానికి 426,806 డాలర్లు సంపాదించింది.
అల్ఫాబెట్ మార్కెట్ విలువ 1.6 ట్రిలియన్ డాలర్లు.
మైక్రోసాఫ్ట్
టెక్ దిగ్గజం మైక్రోసాఫ్ట్ ఆదాయం నిమిషానికి 321,806 డాలర్లుగా నమోదైంది. ఇంతకు ముందుతో పోలిస్తే ఈ సంస్థ ఆదాయం కాస్త తగ్గింది.