త్వరలో దేశీయ వినియోగానికి 'ఫైజర్'​ టీకా?

ఫైజర్​, బయోఎన్​టెక్​ అభివృద్ధి చేసిన కరోనా వ్యాక్సిన్​ త్వరలో దేశీయ వినియోగానికి అందుబాటులోకి రానున్నట్లు తెలుస్తోంది. ఇందుకు కావాల్సిన అనుమతుల కోసం ప్రభుత్వంతో సంప్రదింపులు జరుపుతున్నట్లు ఫైజర్ ప్రకటించింది.

భారత్​లో ఫైజర్​ కొవిడ్​ టీకా వినియోగానికి త్వరితగతిన అనుమతుల కోసం ప్రభుత్వంతో చర్చలు జరుపుతున్నట్లు ఆ సంస్థ​ ఛైర్మన్​, సీఈఓ ఆల్బర్ట్​ బౌర్లా సోమవారం వెల్లడించారు. ఫైజర్​-బయోఎన్​టెక్ సంయుక్తంగా ఈ టీకాను అభివృద్ధి చేశాయి.

భారత్​లో రోగనిరోధక శక్తి పెంపొందించే కార్యక్రమాలకుగానూ లాభా పేక్ష లేకుండా తమ టీకా విక్రయిస్తామని ఏప్రిల్​ ఆరంభంలో ఫైజర్ ప్రకటించింది. ఇప్పటికీ ఆ వాగ్దానానికి కట్టుబడి ఉన్నట్లు పేర్కొంది.

'ఈ మహమ్మారి అంతానికి వ్యాక్సిన్ల అవసరం చాలా ఉంది. దురదృష్టవశాత్తు మా టీకా భారత్​లో నమోదు కాలేదు. నెలక్రితమే మేము దరఖాస్తు చేశాం.' అని ఫైజర్ పేర్కొంది.

అమెరికా, బ్రిటన్​లోని ఔషధ నియంత్రణ సంస్థల నుంచి అత్యవసర వినియోగానికి అనుమతి పొందిన టీకాలను దిగుమతి చేసుకునేందుకు కేంద్రం గత నెలలోనే అనుమతులు ఇచ్చింది.

ఇదీ చదవండి:అలా చేస్తేనే కరోనా కట్టడి: సీఐఐ