ప్రభుత్వరంగ చమురు సంస్థ భారత్ పెట్రోలియం కార్పొరేషన్ లిమిటెడ్ (బీపీసీఎల్).. తమ ఉద్యోగులకు స్వచ్ఛంద పదవీ విరమణ పథకాన్ని(వీఆర్ఎస్) అందుబాటులోకి తెచ్చింది. బీపీఎసీఎల్లో ప్రభుత్వానికి ఉన్న 52.98 శాతం వాటాను విక్రయించి.. సంస్థను ప్రైవేటీకరించనున్న నేపథ్యంలో ఉద్యోగులకు ఈ ఆఫర్ ప్రకటించింది. బీపీసీఎల్లో ప్రభుత్వ వాటా కొనుగోలుకు ప్రైవేటు సంస్థలు ఆసక్తి వ్యక్తం చేసేందుకు.. జులై 31 తుది గడువుగా ఉంది.
వ్యక్తిగత కారణాలతోగాని, సంస్థ ప్రైవేటీకరణ తర్వాత తాము ఆ స్థానంలో కొనసాగలేమేమో అనుకునే వారంతా వీఆర్ఎస్ను ఎంపిక చేసుకోవచ్చని బీబీసీఎల్ వెల్లడించింది. జులై 23 నుంచే వీఆర్ఎస్ దరఖాస్తుల స్వీకరణ ప్రారంభమైంది.. ఆగస్టు 13 తుది గడువుగా ఉంది.
45 ఏళ్లు నిండిన ఉద్యోగులంతా వీఆర్ఎస్కు అర్హులేనని వెల్లడించింది బీపీసీఎల్. స్పోర్ట్స్ కోటా ద్వారా ఎంపికైనా ఉద్యోగులు, బోర్టు స్థాయి ఉద్యోగులకు మాత్రం వీఆర్ఎస్ వర్తించదని సంస్థ ఇప్పటికే స్పష్టం చేసింది. 5 నుంచి 10 శాతం ఉద్యోగులు వీఆర్ఎస్ తీసుకుంటారని బీపీసీఎఎల్ అంచనా వేస్తోంది.
వీఆర్ఎస్ పరిహారం..
- వీఆర్ఎస్ను ఎంపిక చేసుకున్న వారికి సర్వీసు పూర్తయిన ప్రతి సంవత్సరానికి రెండు నెలల చొప్పున లేదా సర్వీసు మిగిలి ఉన్న కాలానికి ఏడాదికి నెల చొప్పున.. రెండింటిలో ఏది తక్కువగా ఉంటే ఆ మొత్తాన్ని పరిహారంగా చెల్లించనుంది బీపీసీఎల్.
- రిటైర్మెంట్ తర్వాత కూడా కొందరికి మెడికల్ బెనిఫిట్స్ లభించనున్నాయి. వీఆర్ఎస్ తీసుకుని స్వదేశానికి రావలనుకునే వారికి ఆ ఖర్చులను కూడా కంపెనీనే భరిస్తుంది.
- వీటితో పాటు సెలవులను ఎన్క్యాష్మెంట్ చేసుకునేందుకు ఉద్యోగులకు అవకాశం కల్పించింది బీపీసీఎల్.
ఇదీ చూడండి:వస్త్ర పరిశ్రమ పతనాన్ని అడ్డుకున్న ఫేస్మాస్క్!
