టెలికాం శాఖ కార్యదర్శి అన్షు ప్రకాశ్ను వొడాఫోన్ ఐడియా ఛైర్మన్ కుమార మంగళం బిర్లా దిల్లీలో కలిశారు. ప్రస్తుత సమస్యల నుంచి సంస్థకు ఉపశమనం కల్గించేందుకు ఆయన ప్రయత్నిస్తున్నట్లు సమాచారం.
ఏజీఆర్ బకాయిలకు సంబంధించి వొడాఫోన్ బ్యాంక్ పూచీకత్తు సొమ్మును ప్రభుత్వం జప్తు చేస్తుందని వార్తలు వస్తున్నాయి. ఈ నేపథ్యంలో ఈ భేటీ ప్రాధాన్యం సంతరించుకుంది.
5 శాతం కన్నా తక్కువ చెల్లింపులు..
టెలికాం శాఖ ఆదేశాల మేరకు రూ.2,500 కోట్లను ఏజీఆర్ బకాయిల రూపంలో చెల్లించింది వొడాఫోన్ ఐడియా. మరో రూ.1,000 కోట్లను శుక్రవారం చెల్లిస్తామని చెప్పింది. అయితే ఈ మొత్తం ఆ సంస్థ బకాయిల్లో 5 శాతం కన్నా తక్కువ.
ఏజీఆర్ బకాయిలకు సంబంధించి ప్రభుత్వం ఊరట కల్పించకపోతే వొడఫోన్ ఐడియా మూతపడుతుందని డిసెంబర్లో బిర్లా పేర్కొన్నారు.