పండుగ సీజన్​లో సరికొత్త మొబైల్​ ఫోన్లు

పండుగ సీజన్​ నేపథ్యంలో స్మార్ట్​ ఫోన్ తయారీ సంస్థలు ఇటీవల సరికొత్త మోడళ్లను మార్కెట్లోకి విడుదల చేశాయి. వాటిలో కొన్ని ప్రీమియం, బడ్జెట్​ ఫోన్ల పూర్తి వివరాలు మీకోసం.

పండుగ సీజన్​తో పాటు.. మార్కెట్లో పెరుగుతున్న పోటీని ఎదుర్కొనేందుకు ఇటీవలి కాలంలో భారీగా స్మార్ట్ ఫోన్లను విడుదల చేశాయి దిగ్గజ సంస్థలు. భారీ అంచనాలు మధ్య విడుదలైన ఫోన్లు.. వాటి పూర్తి వివరాలు ఇవే..

వన్​ప్లస్​ 7టీ..

ఈ వారం విడుదలైన ప్రీమియం ఫోన్లలో భారీ అంచనాల మధ్య విడుదలైన వాటిలో వన్​ప్లస్ 7టీ​ ముందు వరుసలో ఉంది. ఇప్పటికే మార్కెట్లో ఉన్న వన్​ప్లస్​ 7కు కొనసాగింపుగా.. వన్​ప్లస్​ 7టీని తీసుకువచ్చింది ఈ సంస్థ. 8జీబీ ర్యామ్​, 128 జీబీ రోమ్​.. 8జీబీ ర్యామ్​, 256 రోమ్​.. రెండు వేరియంట్లలో ఈ మోడల్​ను తీసుకువచ్చింది వన్​ప్లస్​. వీటి ధరలు వరుసగా రూ.37,999.. రూ.39,999గా నిర్ణయిచింది. ఈ ఫోన్​ అమెజాన్​లో నేటి నుంచి కొనుగోళ్లకు అందుబాటులోకి వచ్చింది.

వన్​ప్లస్​ 7టీ ఫీచర్లు

• 6.55 అంగుళాల ఫ్లూయిడ్​ అమెలోయిడ్​ డిస్​ప్లే
• 48+16+12 ఎంపీలతో వెనుకపైపు మూడు కెమెరాలు
• 16 ఎంపీల సెల్ఫీ కెమెరా
• 3,800 ఎంఏహచ్ బ్యాటరీ
• స్నాప్​డ్రాగన్ 855 ప్లస్ ప్రాసెసర్​
• ఆండ్రాయిడ్ వీ (10క్యూ) ఆధారిత ఆక్సీజన్ ఓఎస్​

మూడు కెమెరాలతో బడ్జెట్​ ఫోన్​

బడ్జెట్ సెగ్మెంట్​లో మూడు కెమెరాలతో లెనోవో ఇటీవల కొత్త మోడల్​ను విడుదల చేసింది. కే10 ప్లస్​ పేరుతో మార్కెట్లోకి విడుదైన ఈ ఫోన్​ 3 జీబీ ర్యామ్​,64 జీబీ రోమ్​తో అందుబాటులోకి తెచ్చింది. దీని ధర రూ.10,999గా నిర్ణయించింది లెనోవో. సెప్టెంబర్​ 30 నుంచి కొనుగోళ్లకు అందుబాటులో ఉండనుంది ఈ ఫోన్​.

కే10 ప్లస్​ ఫీచర్లు..

• 6.22 అంగుళాల హెచ్​డీ ప్లస్​ డిస్​ప్లే
• ఆక్టాకోర్​ 632 క్వాల్​కామ్​ స్నాప్​ డ్రాగన్ ప్రాసెసర్
• 13 ఎంపీ+5ఎంపీ+ 8ఎంపీలతో వెనుకవైపు మూడు కెమెరాలు (ఏఐ అనుసంధానం)
• 16 మెగా పిక్సల్​ సెల్ఫీ కెమెరా
• 4,050 ఎంఏహెచ్ బ్యాటరీ.. ఫాస్ట్ ఛార్జింగ్​ సపోర్ట్

రెండు సెల్పీ కెమెరాలతో తొలి ఫోన్​..

రెండు సెల్ఫీ కెమెరాలతో చైనా స్మార్ట్‌ఫోన్‌ దిగ్గజం వివో సరికొత్త ప్రీమియం స్మార్ట్​ఫోన్​ను ఇటీవల ఆవిష్కరించింది. వీ17 ప్రో పేరుతో.. 8 జీబీ ర్యామ్‌, 128 జీబీ స్టోరేజి సామర్థ్యంతో ఈ ఫోన్​ను అందుబాటులోకి తెచ్చింది. దీని ధర రూ.29,900గా నిర్ణయించింది వివో. ఈ ఫోన్ ఇప్పటికే కొనుగోళ్లకు అందుబాటులో ఉంది.

వీ17 ప్రో ప్రత్యేకతలు

• 6.44 అంగుళాల తెర
• 32+8 మెగాపిక్సెల్‌ పాప్‌-అప్‌ సెల్ఫీ కెమెరాలు
• వెనుక 48+13+8+2 ఎంపీలతో వెనుకవైపు నాలుగు కెమెరాలు
• 4100 ఎంఏహెచ్‌ బ్యాటరీ
• క్వాల్‌కామ్‌ స్నాప్‌డ్రాగన్‌ 675 ప్రాసెసర్‌

రెడ్​ మీ 8ఏ

బడ్జెట్ స్మార్ట్ ఫోన్లతో వినియోగదారులకును ఎక్కువగా ఆకర్షించే షియోమి సరికొత్త మోడల్​ను మార్కెట్లో విడుదల చేసింది. రెడ్​ మీ 8ఏ పేరుతో.. స్మార్ట్ దేశ్​కా ధమ్​దార్ అనే నినాదంతో ఈ ఫోన్​ను పరిచయం చేసింది. 2 జీబీ ర్యామ్​/32 జీబీ రోమ్​.. 3 జీబీ ర్యామ్/32 జీబీ రోమ్ రెండు వేరియంట్లలో ఈ ఫోన్​ను ఆవిష్కరిచింది. వీటి ధరలు వరుసగా...రూ.6,499, రూ.6,999గా నిర్ణయించింది రెడ్​ మీ. ఈ ఫోన్ సెప్టెంబర్ 30 నుంచి కొనుగోళ్లకు అందుబాటులోకి రానుంది.

రెడ్​ మీ 8ఏ ఫీచర్లు..

• 6.22 అంగుళాల డాట్​ నాచ్ డిస్​ప్లే
• 5,000 ఎంఏహెచ్ బ్యాటరీ.. ఫాస్ట్ ఛార్జింగ్ సపోర్ట్
• క్వాల్​కామ్​ స్నాప్​డ్రాగన్ 439 ప్రాసెసర్
• 12 ఎంపీల ఏఐ రియర్​ కెమెరా
• 8 మెగా పిక్సెల్​ సెల్ఫీ కెమెరా

ఇదీ చూడండి: బంగారంపై పెట్టుబడులు ప్రస్తుతం మంచివేనా?